Барчага маълумки, пиццада хамир асосий нарса. Баъзида шундай вақт бўладики, пицца тановул қилиш истаги бор-у, хамир қоришга вақт йўқ. Бунинг ажойиб ечими бор. Жуда тез ва мазали пицца тайёрлаш мумкин, бунинг учун ун билан умуман овора бўлиш шарт эмас.
Багет пицца
Қоидага кўра, уйда ҳар доим пицца учун маҳсулотлар мавжуд бўлади: зайтун, колбаса ёки пиширилган гўшт, помидор соуси, пишлоқ. Фақатгина батоннинг узун тўртбурчак шаклдагисини сотиб олиш кифоя. У узунлиги бўйлаб ярмига бўлинади ва қолгани барча жараён одатий амалга оширилади: помидор соуси, колбаса, пишлоқ. Печга 10-15 дақиқа қўйилади ва пицца тайёр!
Хамири тайёр пицца
Бир зумда пицца тайёрлашнинг яна бир ажойиб усули тайёр хамир сотиб олишдир. Бу пицца сотиб олгандан кўра анча арзонга тушади. Шунингдек, вақтдан ҳам ютиш мумкин. Қандолат марказлари ёкки новвойхоналардан тайёр хамир сотиб олинг. Қолган жараён эса таъбга кўра пиширилади.
Пита нондан тайёрланган пицца
Пицца учун яхши асос пита нони бўлиб, уни ҳар қандай новвойхонада харид қилиш мумкин. Нонга соус суртиб, устини уйда бор маҳсулотлар билан тўлдириш мумкин. Сўнгра печда 12-15 дақиқа давомида пиширилади.
Тортиля нони устидаги пицца
Ушбу турдаги нонлар буғдой, маккажўхори, дон, пишлоқли бўлади. Тортилялар жуда юпқа бўлгани учун, ундан пицца тайёрлашдан аввал пишириш варағига қўйиб, одатдагидек масаллиқлар солинади ва печга қўйилади.
Тайёр коржикли пицца
Бугунги кунда супермаркетларда нафақат тайёр хамирни, балки айлана шаклида пиширилган коржикларни ҳам сотиб олиш мумкин. Уларни муздан туширишнинг ҳожати йўқ, бунинг учун печда пишириш етарли. Пиццани жуда яхши кўрувчилар бу каби коржикларнинг бир нечтасини музлаткичда ҳам сақлаши мумкин.
Изоҳ (0)