АҚШ президенти Жо Байден Россия нефти ва газининг мамлакатга импортини тақиқлади. Бу ҳақда Sky News хабар берди.
Байден ўз баёнотида мазкур қарорнинг АҚШ ҳамда унинг иттифоқчилари билан узвий ҳамкорликда қабул қилинганини таъкидлаган. АҚШ президентининг сўзларига кўра, Европа мамлакатлари Россиядан олинадиган энергия манбаларидан Вашингтон каби воз кеча олмаслигини қайд этган.
Шунингдек, Байден америкалик истеъмолчиларни мазкур қарор туфайли бензин нархининг ошиши мумкинлигидан огоҳлантирди.
Буюк Британия бош вазири Борис Жонсон ҳам Байденнинг баёнотидан кейин Лондоннинг Россия гази ва нефтини импорт қилишни 2022 йил якунида тўхтатишини маълум қилди.
Аввалроқ Канаданинг Россия нефтини импорт қилишга нисбатан тақиқлар ўрнатгани ҳақида хабар берилганди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)