Россияда 8 ёшдан 16 ёшгача фарзанди бўлган «кам таъминланган» оилаларга давлат томонидан ёрдам пули ажратилади. Бу ҳақда мамлакат президенти Владимир Путин 8 март — Халқаро хотин-қизлар куни муносабати билан йўллаган табригида маълум қилган.
«Биз янги қарор қабул қилишимиз керак — 8 ёшдан 16 ёшгача фарзанди бўлган кам таъминланган барча оилаларни қўллаб-қувватлаш учун ёрдам пуллари берилишини назорат қилиш. Ушбу чора 1 апрелдан кучга киради, оилалар дастлабки ёрдам пулларини майдан бошлаб олади», — дейди Путин.
Янги тартибдаги ёрдам пулларини олиш учун даромад қанча бўлиши ва давлат ажратадиган маблағнинг миқдорига Путин аниқлик киритмаган. Бироқ у ҳукумат фарзандли оилаларни қўллаб-қувватлашни давом этишини таъкидлаган.
«Бизда ҳомиладор ва етти ёшгача фарзанди бўлган кам таъминланган оилаларга давлат томонидан ойлик ёрдам пулларини ажратиш кўзда тутилган. Бундан ташқари, 8 ёшдан 16 ёшгача бўлган фарзандини ёлғиз катта қилаётган ота-оналар ёрдам олиб келмоқда», — дея қайд этади Россия президенти.
Шу билан бирга, Путин ўз табригида Украинадаги урушга ҳам тўхталиб ўтган.
«Қайд этиш жоизки, жанговар ҳаракатларда муддатли ҳарбий ҳизматни ўтаётган аскарлар қатнашмаяпти ва қатнашмайди ҳам. Захирадагилардан ҳам қўшимча чақирув бўлмайди. Белгиланган вазифаларни фақат профессионал ҳарбийлар ҳал қилади», — дейди у.
Аввалроқ Россия Мудофаа вазирлиги ва Владимир Путиннинг ўзи ҳам муддатли ҳарбий хизматчилар Украинадаги урушда иштирок этмаётганини маълум қилганди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Мавзуга доир:
- Урушнинг 12-куни: Тинч аҳоли орасидаги қурбонлар сарҳисоб қилинди. Халқаро судда Украинанинг даъвоси ўқиб эшиттирилди. Навбатдаги музокаралар ҳам Россиянинг умидларини оқламади (фото)
- «Улар одамларни қандайдир тушунарсиз сабаблар билан ўлимга юбормоқда». Украинада асирга олинган рус аскарининг синглиси билан суҳбат
Изоҳ (0)