Президент раислигида ўтказилаётган 4 март кунги йиғилишда ОТМлар ректорларига талабалар бандлигини таъминлаш ва даромад топишини ташкил этиш учун вазифалар берилди. Бу ҳақда президент матбуот котиби хабар қилди.
Қайд этилишича, ректорлар ОТМларнинг йўналишига қараб, аҳоли ва тадбиркорларга пуллик хизматлар кўрсатиб, 5 минг нафар талабага қўшимча даромад олиш имкониятини яратиши шартлиги кўрсатиб ўтилган. Жумладан, ОТМларда:
- қишлоқ хўжалиги ва ветеринария йўналишида иссиқхона, боғдорчилик, чорвачилик, балиқчилик, паррандачилик, ҳайвонларни эмлаш;
- хорижий тиллар йўналишида – тил ўргатиш, туризм, таржимонлик;
- иқтисодий йўналишда – бухгалтерия, бизнес режалар ишлаб чиқиш, суғурта хизматлари;
- қурилиш ва архитектурада – лойиҳа тайёрлаш, дизайнерлик каби пуллик хизматларини йўлга қўйиш мумкин.
Изоҳ (0)