Судьялар олий кенгаши масъулиятсизлиги ва фаолиятида камчиликларга йўл қўйгани учун бир қатор судьяларни жавобгарликка тортди. Бу ҳақда кенгаш ахборот хизмати хабар қилди.
Қайд этилишича:
- Бухоро вилояти Бухоро туманлараро маъмурий судининг раиси А.Бобомуродов;
- Тошкент вилояти фуқаролик ишлари бўйича Чирчиқ туманлараро суди раисининг ўринбосари I.Мирзаева;
- Тошкент вилояти фуқаролик ишлари бўйича Қуйичирчиқ туманлараро судининг судьяси Г.Тожибоева;
- Наманган вилояти жиноят ишлари бўйича Наманган шаҳар судининг судьялари Э.Абдуллаев, Д.Олимов;
- Тошкент шаҳар жиноят ишлари бўйича Олмазор туман судининг судьялари М.Абидов, З.Нуриддинов;
- Навоий вилояти фуқаролик ишлари бўйича Кармана туманлараро судининг судьяси Ш.Очилов интизомий жазога тортилган.
Эслатиб ўтамиз, январь бошларида ҳам мамлакатда масъулиятсизликка йўл қўйган 5 нафар судья интизомий жазога, Тошкентда масъулиятсизликка йўл қўйган 9 нафар судья эса жавобгарликка тортилганди. Шунингдек, бир қатор қонун бузилиши ҳолатларига қўл урган беш нафар судьяга ҳам жазо тайинланган.
Изоҳ (0)