Нобель мукофоти лауреатлари Россия ҳукуматига очиқ хат йўллаб, уларни ўз қўшинларини Украинадан олиб чиқиб кетишга чақирди. Хат Nobel Campaigns сайтида эълон қилинган.
«1939 йилда фашистлар Германияси Польшага (шунга ўхшаш ҳийлалар ва сохта провокациялар билан) ва 1941 йилда Совет Иттифоқига ҳужум қилгани каби, президент Путин бошчилигидаги Россия ҳукумати қўшни Украина давлатига қарши ҳарбий тажовузни — бу урушдан бошқа нарса эмас — бошлади. Ушбу тажовузда рус халқи ўз ролини ўйнаётганига ишонмаганимиз сабаб сўзларни эҳтиёт билан танладик», — дейилади мактубда.
«Ушбу босқин Россиянинг кейинги 10 йилликдаги обрўсига доғ туширди. Бу унинг иқтисодий тараққиётига тўсиқ бўлиб, аҳолиси учун қийинчиликлар манбасига айланади. Санкцияларнинг қўлланилиши иқтидорли ва меҳнаткаш русларнинг дунё бўйлаб ҳаракатланиш эркинлигини чеклайди. Россия ва дунё ўртасига нега девор қуриш керак?», — дея таъкидланади хатда.
Мазкур мурожаат Нобель мукофотининг барча номинациялари бўйича жами 160 дан ортиқ лауреати томонидан имзоланган.
Изоҳ (0)