Турк киносининг таниқли жуфтлиги Ҳанде Эрчел ва Керим Бурсин ажралишди

«Эшигимни қоқ» сериали юлдузлари Ҳанде Эрчел ва Керим Бурсин ўртасидаги жанжал ажралиш билан якунланган кўринади, деб хабар бермоқда «Lisa.ru» нашри. Гап шундаки, севишганлар Instagram’даги бирга тушган суратларини навбати билан ўчириб ташлади.

Аввалига Ҳанде Керим билан романтик сўзлар ёзилган постларни ўчириб ташлади. Кейин Бурсин ҳам худди шундай қилди, фақатгина «Эшигимни қоқ» сериали билан боғлиқ бир нечта расмларни қолдирган.

Фильм продюсери Жанер Гулнинг айтишича, Керим кўринишидан жуда бахтли.

«Нега Керимнинг ўзидан сўрамайсиз? Мен қаердан билай? Йигит ишлаяпти, ҳаётдан завқланяпти. Бундай ажралишлар қанча бўлган ва яна қанча бўлади ҳали. Ҳар сафар хафа бўлиб ўтирмайди-ку», — деган Гул.

https://www.instagram.com/p/CJa_tmCgifn/?utm_source=ig_web_copy_link

Кўплаб фойдаланувчиларнинг фикрича, Ҳанде ва Керим ўртасидаги муносабатлар бошиданоқ пиар бўлган. Айтишларича, ҳаммаси фильмнинг рейтинги учун қилинган.

Эслатиб ўтамиз, юлдузлар ўртасидаги жанжал Ҳанденинг Керимни бошқа актрисадан рашк қилгани сабабли юзага келганди.