Халқ депутатлари Олтиариқ тумани Кенгашининг навбатдан ташқари сессиясида ташкилий масала кўриб чиқилди. Унда туман ҳокими лавозимига Турдалиев Шамсиддин Асқаралиевич тайинланди.
Шамсиддин Турдалиев 1979 йилда Бағдод туманида туғилган, Ўзбекистон Миллий университетини ҳуқуқшунослик йўналишини тамомлаган. Ҳозирда адлия катта маслаҳатчиси унвонига эга.
Меҳнат фаолиятини 2003 йилда Фарғона шаҳар прокуратурасида бошлаган. 2006–2011, 2016–2017 йиллар оралиғида Фарғона вилоят прокуратурасида катта терговчи, бўлим бошлиғи вазифаларида фаолият олиб борган. 2011–2016 йилларда Бешариқ тумани прокурори, 2017–2018 йилларда Данғара тумани прокурори, 2018 йилда Қўқон шаҳар прокурори бўлган.
2018–2019 йилларда Хоразм вилояти прокурорининг биринчи ўринбосари, 2019-2021 йилларда Фарғона вилояти прокурорининг ўринбосари лавозимларида фаолият юритган.
2021 йил 2 февралдан бугунги тайинловга қадар Риштон тумани прокурори бўлиб ишлаб келган.
Олтиариқ тумани ҳокими бўлиб ишлаб келган Холмирза Ниёзов жорий йил 7 февралда Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари этиб тайинланганди.
Изоҳ (0)