Ўзбекистон маҳаллий аҳоли ва чет элликларга Давлат қимматли қоғозларини (ДҚҚ) сотиб олишга рухсат беради. Бу ҳақда Молия вазирлиги ахборот хизмати хабар бермоқда.
Бунгача бу турдаги қоғозларни фақат ўзбекистонлик банклар ва юридик шахслар сотиб олишлари мумкин эди.
Молия вазирлиги томонидан 2018 йилда 3 та аукционда 597,1 млрд сўм, 2019 йилда 15 та аукционда 1 550 млрд сўм, 2020 йилда 22 та аукционда 5 024 млрд сўмлик ДҚҚ жойлаштирилган. Вазирлик ўтган йили 64 та аукцион ўтказиб, муддати 10 йилгача бўлган 486,3 млрд сўмлик облигацияларни сотган.
Давлат қимматли қоғозлари нима учун керак?
ДҚҚ Молия вазирлиги томонидан ҳужжатсиз шаклда чиқарилади ва қимматли қоғозлар бозорида муомалада бўлади.
Давлат қимматли қоғозлари — давлат бюджети тақчиллигини қоплаш ва йирик давлат лойиҳаларига инвестицияларни жалб қилиш учун фойдаланиладиган молиявий восита. Ушбу ишончли актив молия-кредит ташкилотлари балансининг ликвидлигини таъминлаш учун ишлатилади.
Қимматли қоғозларни чиқариш орқали давлат валюта курсига таъсир кўрсатиши, пул массаси ва инфляцияни тартибга солиши, капитални бир молиявий сегментдан бошқасига ўтказиши ва бошқа муаммоларни ҳал қилиши мумкин.
Изоҳ (0)