Бугун,

  • USD 11095.31
  • RUB 173.84
  • EUR 10772.44

Қашқадарё вилоятининг Яккабоғ тумани ҳокими Лутфиддин Абдуллаевнинг 2021 йил хизмат автомобилини янгилаш, Captiva  харид қилишга бўлган уриниши жамоатчилик қизиқишини уйғотиб, аксарият кишилар машина харид қилишга сарфланаётган 311 миллион сўм пулни мақсадсиз сарфланаётган маблағ деганди. Ҳатто туман Кенгаши депутатларидан бири ҳам ҳоким учун хизмат автомобили сотиб олишдан кўра, шу машинага сарфланадиган пулни кам таъминланганларга бериш таклифини билдирганди.

«Дарё» мухбири вилоятда фаолият юритувчи ҳокимларнинг хизмат автомобиллари русуми билан қизиқиб, ҳудуддаги мавжуд шаҳар ва туман ҳокимлари қайси русумдаги хизмат автомобилларидан фойдаланишига аниқлик киритди.

Муроджон Азимов.

Муроджон Азимов.
Фото: Қашқадарё ҳокимлиги ахборот хизмати

Вилоят ҳокимлиги ахборот хизмати раҳбари Аҳрор Содиқовнинг маълумот беришича, вилоят ҳокими Муроджон Азимов собиқ ҳокимлар — Зафар Рўзиев ҳамда Зоир Мирзаевлар фойдаланиб келган, давлат рақами 70 010 DAV бўлган Toyota Land Cruiser’да юради. Қарши шаҳри ҳокими Нормўмин Холбоев ҳам собиқ ҳоким Жамшид Фозилов даврида харид қилинган 70 019 DAV Malibu-2 хизмат автомобилини минади.

Нормўмин Холбоев.

Нормўмин Холбоев.
Фото: «Дарё»

Фото: «Дарё»

Вилоят биқинида жойлашган Қарши тумани ҳокими Беҳзод Юсупов ҳам вилоятнинг ягона аёл ҳокими сифатида фаолият юритиб келган Мақсуда Мустафоева фойдаланган, давлат рақами 70 014 DAV бўлган Captiva-2 автомобилида юради.

Беҳзод Юсупов.

Беҳзод Юсупов.
Фото: Қарши тумани ҳокимлиги

Фото: «Дарё»

Вилоятда, шунингдек, Миришкор тумани ҳокими Шерали Санаев, Косон тумани ҳокими Асрол Бойқараев, Яккабоғ тумани ҳокими Лутфиддин Абдуллаев, Касби тумани ҳокими Тўхтамурод Мейлиев, Чироқчи тумани ҳокими Хуррам Жўраев, Нишон тумани ҳокими Мухтор Ҳайитмуродовлар ҳам Captiva русумли хизмат автомобилларини маъқул кўрган.

Ўнг томондан Лутфиддин Абдуллаев, Шерали Санаев ва Мухтор Ҳайитмуродов.

Ўнг томондан Лутфиддин Абдуллаев, Шерали Санаев ва Мухтор Ҳайитмуродов.
Фотоколлаж: «Дарё»

Ўнг томондан Хуррам Жўраев, Тўхтамурод Мейлиев, Асрол Бойқараев.

Ўнг томондан Хуррам Жўраев, Тўхтамурод Мейлиев, Асрол Бойқараев.
Фотоколлаж: «Дарё»

Шаҳрисабз шаҳри ҳокими Акром Сулаймонов, Шаҳрисабз тумани ҳокими Самад Ҳасанов, Китоб тумани ҳокими Алишер Зокиров, Ғузор тумани ҳокими Бекзод Суюнов, Қамаши тумани ҳокими Ботир Тоғаевлар эса Gentra автомобилларидан фойдаланади.

Ўнг томондан Бекзод Суюнов, Алишер Зокиров, Самад Ҳасанов.

Ўнг томондан Бекзод Суюнов, Алишер Зокиров, Самад Ҳасанов.
Фотоколлаж: «Дарё»

Ўнг томондан Акром Сулаймонов, Ботир Тоғаев.

Ўнг томондан Акром Сулаймонов, Ботир Тоғаев.
Фотоколлаж: «Дарё»

Деҳқонобод тумани ҳокими Зоир Алиқулов давлат рақами 70 024 DAV бўлган Tracker’дан, Муборак тумани ҳокими Акром Арипов эса 70 013 DAV рақам белгили KIA Seltos’дан фойдаланади.

Зоир Алиқулов.

Зоир Алиқулов.
Фото: Деҳқонобод тумани ҳокимлиги

Фото: Википедия

Акром Сулаймонов.

Акром Сулаймонов.
Фото: «Дарё»

«Дарё» мухбири ҳокимларнинг хизмат автомобиллари русумини аниқлаштиришдан ташқари, жамоатчилик, хусусан, вилоятдаги журналист ва блогерларга юзланиб, ҳокимлар учун баҳайбат хизмат автомобиллари қанчалик зарур деган саволга ҳам жавоб олди.

Нуриддин Эгамов.

Нуриддин Эгамов.
Фото: «Дарё»

«Ҳокимлар учун қанақа машина бўлишидан қатъи назар ягона тўхтамга келиш керак. Бу борада ягона стандартлар яратилса, турли мунозараларга ўрин қолмасди. Яъни барча ҳокимлар бир хил русумдаги хизмат автомобилида юрсин. Масалан, Matiz’ми — барчаси Matiz минсин, Нивами — Нива. Лекин энг асосийси, қанақа хизмат автомобилида юрса ҳам ҳафтада ҳеч бўлмаса, бир марта жамоат транспортига чиқсин. Халқ фойдаланаётган транспортга чиқиб, халққа янаям яқинроқ бўлсин», — дейди журналист Нуриддин Эгамов.

Ҳусан Комилжонов.

Ҳусан Комилжонов.
Фото: Telegram

Вилоятда фаолият юритувчи блогер Ҳусан Комилжонов эса ҳокимларга хизмат автомобили ажратилишида ҳудуднинг географик жойлашуви ҳисобга олиниши керак демоқда.

«Ҳокимларга хизмат автомобили танлашда шаҳар ва туманнинг географик жойлашувини (тоғли ҳудуд, чўл ҳудуд, шаҳар) ҳисобга олган ҳолда машина ажратилиши керак. Ва ҳоким камида ҳафтада икки кун жамоат транспортида ишга бориб келиши шарт. Мана шунда жамоат транспорти, халққа яқинлик, инфратузилмаларни яхшилаш борасида амалий ҳаракатлар пайдо бўлади», — дейди блогер Ҳусан Комилжонов.

Камолиддин Каримов.

Камолиддин Каримов.
Фото: «Дарё»

«Қашқадарё» газетаси бош муҳаррири Камолиддин Каримов эса «Инсоннинг кийиб юрган кийимига қараб баҳо бериш, деган бемаза мантиқ миядан ўчириб ташланмас экан, жамиятда ҳашамат, сохта обрў устун бўлиб қолаверади», — дейди.

Яна бир журналист «Ҳуқуқ» газетасининг вилоятдаги мухбири Норбўта Ғозиев эса ҳокимлар пиёда юришининг тарафдори эканини айтмоқда.

«Яқинда ижтимоий тармоқда бир мамлакат президентини кўрдим. Аёл киши экан. Ишга соябон кўтариб, пиёда келяпти. Президентнинг олдида ҳокимлар ким бўлибди? Илгари Самарқанд вилояти ‘Обкоми’нинг Қодиров деган биринчи секретари бўларди. Автобус ва троллейбусларда юриб, ҳақиқий аҳволни кузатарди», — дейди Норбўта Ғозиев.

Отабек Ортиқов.

Отабек Ортиқов.
Фото: Telegram

Блогер Отабек Ортиқов эса «Ҳокимлар Нива минишсин, тоғли ҳудудга ҳам, шаҳарга ҳам мос. Қолаверса, иномарка машина», — дейди.

«Дарё» республикада фаолият юритувчи ҳокимларнинг хизмат автомобиллари русумини ўрганишда давом этади.

Изоҳ
Асосий янгиликлар
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?