Тунги косметик воситаларнинг ҳамма аёллар билиши керак бўлган фойдали хусусиятлари  

Тери тунда янада фаоллашади: янгиланади, намликни тиклайди. Бу вақтда косметикадан фойдаланиш ташқи кўринишга фойдали таъсир кўрсатади.

Инсон тунда дам олади, териси эса аксинча. Қайта тикланиш, сув балансини яхшилаш жараёнлари соат 22:00 дан 4:00 гача бўлган вақт оралиғида фаоллашади. Шунинг учун, тунги косметик парвариш ва соғлом уйқу гўзал кўринишнинг калитидир.

Уйқуга ётишдан олдин гўзаллик учун амалга ошириладиган амаллар уч босқичдан иборат бўлиши керак:

Тозалаш. Терининг тозаланганига ишонч ҳосил қилиш лозим. Биринчидан, макияж мицеляр суви ёки махсус восита билан ювилади. Кейин тери турига мос келадиган ювиш воситасидан фойдаланилади – гел, кўпик (пенка), сут (молочко).

Тонусини ошириш. Тозалашдан кейин юзни тоник билан артиш керак. Бу pH даражасини тиклайди, кейинги парвариш самарадорлигини оширади.

Озиқлантириш. Тунги парваришнинг учинчи босқич учун жавобгардир. Кўпинча бу крем шаклида амалга оширилади. Одатда улар кундузгидан кўра яхши самара беради. Уларда максимал фаол компонентлар мавжуд, шунингдек, терини қайта тиклаш учун идеал вақт кечаси ҳисобланади.

Ушбу турдаги косметикани қўллашда қуйидаги қоидаларга риоя қилиш лозим.

• Воситаларни ётишдан камида бир соат олдин фақат тоза терига қўллаш керак.
• Крем миқдорини ошириб юбормаслик лозим, чунки унинг ортиқчаси эрталаб шиш пайдо бўлишига олиб келиши мумкин. Қўллашдан 15 дақиқа ўтгач, юз қоғоз салфетка билан артиб олинади.
• Ёшга мос келадиган парваришни танлаш. 25 ёшга қадар фақат тонус учун керак, жуда қуруқ ёки таъсирчан тери учун тинчлантирувчи воситадан фойдаланиш мумкин. 30 ёшдан кейин ҳар бир кишининг териси озиқлантиришга муҳтож, 40 ёшдан кейин эса кремга зардоб (сиворотка) қўшиш тавсия этилади.
• Махсус тунги косметикани кундузгиси билан алмаштирмаслик керак. Чунки улар бир-бирига умуман мос келмайди. Куннинг турли вақтларида терига керак бўлган композициялар бошқача. Мисол учун, SPF-фильтр, кечалари унинг хусусиятлари талаб қилинмайди. 
• Регенерация уйқунинг чуқур босқичида фаоллашади, шунинг учун косметик парваришнинг сифатли ишлаши учун етарли даражада 7-8 соат ухлаш керак.
• Агар кечаси кўз атрофидаги ҳудуд учун крем ишлатилса, уни эрта, ётишдан бир ярим соат олдин қўллаш керак.

Эрталаб чиройли кўриниш учун тунги маҳсулотнинг таркибига эътибор бериш керак:

• Гиалурон кислотаси – намликнинг оптимал даражасини сақлайди, намлик йўқотилишини олдини олади.
• Ретиноидлар – бу қариш белгиларини камайтиради, ёшартиради, доғларини олиб ташлайди, юз рангини яхшилайдиган кучли қаришга қарши моддалар гуруҳидир. Бундай таркибий қисм нозик тери турларининг эгалари учун мос келмаслиги мумкин. 
• АHА ва BHА –  чарчаган терининг тонусини яхшилашга ёрдам беради, уни ёш ва ёрқин қилади. Тунги кремнинг бир қисми сифатида улар ички қатламлардаги бошқа фойдали моддалар учун ўтказгич сифатида ишлайди.
• E витамини – ёшлик ва саломатликни сақлайдиган кучли антиоксидант. Тонусни яхшилашга ёрдам беради.
• Ресвератрол – теридаги стресснинг намоён бўлишини йўқ қилади.серамидлар – эпидермиснинг ҳимоя тўсиғини мустаҳкамлайди, намликни сақлашга ёрдам беради.
• Глицерин – микрозарарларни тузатишга ёрдам беради, тинчлантиради.