Ҳар бир аёл ўзининг севимли гўзаллик воситаларига эга. Қуйидаги маслаҳатлар улардан фойдаланиш муддатини узайтиришда ёрдам беради.
Лаб бўёғини музлаткичда сақлаш керакми?
Агар косметик арсеналингизда камроқ ишлатадиган лаб бўёғи бўлса, уларни музлаткичда сақлаган маъқул. Шуни ёдда тутиш керакки, музлаткич уларни сақлаш учун доимий жойга айланиши керак. Шунингдек, кўплаб лаб бўёғи мой ёки мум асосларидан тайёрланади ва совуқ жойда жуда узоқ вақт сақланса, улар буғлана бошлайди, бу эса сақлаш муддатига салбий таъсир қилади.
Қоронғилик — атирларнинг дўсти
Парфюм ёки атирларни ташкил этувчи таркибий қисмларга қараб, улардан фойдаланиш муддати ҳар хил, аммо мутахассислар бундай маҳсулотларни қоронғи жойларда сақлаш яхшироқ деган фикрга қўшилади. Қуёш нурлари таъсирида атир таркибидаги кимёвий элементлар реакцияга киришиб, унинг сақлаш муддатини қисқартиради. Хушбўй ҳидни сақлаш учун идеал жой – бу қути, шкаф ёки тортмалардир.
Ҳаммомдаги жавон фақат тозаловчи маҳсулотлар учун
Ҳаммомда юз ва тана учун мўлжалланган косметика маҳсулотларни сақлаб бўлмайди. Бундай шароитда ҳарорат тез-тез ўзгариб туради ва намлик доимо юқори бўлади. Шунинг учун косметик воситалар мустаҳкамлигини ўзгартиради ва фойдаланиш муддати камаяди. Бу тозалаш воситаларига тааллуқли эмас – шампунь, кондиционер, гел, совун, скраблар ва бошқаларнинг таркиби ва қутиси ҳаммомда сақлашни ҳисобга олган ҳолда ишлаб чиқилган.
Туш қуриб қолдими? Ташлашга шошилманг
Албатта, бундай ҳолатда захирадаги вариантга эга бўлишга арзийди, борди-ю бўлмаса, иссиқ сув ва кунжут ёғи қуриган тушни «жонлантиришга» ёрдам беради. Бунинг учун туш таёқчасини иссиқ сувга ботириб, ичига бир неча томчи ёғ томизиш керак. Қуриб қолган восита қисқа вақт ичида суюқ бўлиб қолади ва макияжни якунлаш имконини беради.
Тирноқ бўёғи қуюқлашдими? Муаммо йўқ!
Агар севимли тирноқ бўёғи амал қилиш муддати тугагунга қадар қалинлашган, қуриб қолган ёки рангини йўқотган бўлса, бу маслаҳат айнан сиз учун! Шишага бироз ацетон — тирноқлар тозалаш воситаси қўшилади ва яхшилаб силкитилади. Бўёқ яна суюқлашади ва бир текисда тақсимланади. Аммо бу жараён узоқ муддатни кафолатламайди — бир неча кундан кейин у яна қуюқлашиб кетиши мумкин.
Лаб учун мўлжалланган қалам эриб кетганда
Лабга ҳажм ва аниқ контур беришда бир неча марта қаламга мурожаат қилинади, лекин уни қўллашдан кейин қалам нотекис бўлиши ёки бутунлай синиши ҳам мумкин? Бунинг учун қалам музлаткичга бир неча соатга қўйилади. Бу, биринчидан, уни бироз қаттиқлаштиради, иккинчидан, ундан фойдаланиш жараёнини осонлаштиради. Лекин бу усулдан кўп фойдаланмаслик керак, чунки қалам музлаткичда узоқ вақт сақланса, у жуда қаттиқ бўлиб қолади, яъни уни ишлатиш қийинлашади.
Чўтка ёки спонждан фойдаланиш тавсия этилади
Шубҳасиз, ҳар ким ҳам камида бир марта бармоқлар билан тональ кремини қўйиб кўриши мумкин, чунки бу энг тез ва амалий усул. Аммо бу унчалик ҳам тўғри эмас, чунки ҳар куни миллионлаб бактериялар қўлларда жойлашади ва улар нафақат юзда, балки фойдаланаётган косметика маҳсулотида ҳам қолади. Тональ кремдаги микробларнинг олдини олиш учун чўтка ёки спонждан фойдаланиш керак, бу нафақат микробларнинг юзга тушиш хавфини камайтиради, балки воситани юмшоқ ва бир текис тақсимлашга имкон беради. Энг муҳими, бўянишдан олдин қўлларни яхшилаб ювиш ва ҳар фойдаланишдан кейин спонж ёки чўткаларни ҳам тозалаш тавсия этилади.
Изоҳ (0)