Баҳорнинг бошланиши, айниқса, гўзаллик соҳасида янгиланиш ва ўзгаришларга ёрдам беради. Кўринишни минимал куч билан янгилайдиган янги соч турмагидан бошлаш энг осон. Қуйида барчага манзур келувчи бир-биридан ажойиб соч турмакларини эътиборингизга ҳавола этамиз.
Ушбу соч тумаги ҳамиша урфда. Кўринишидан бироз бетартибдек туйилса-да, аслида образни мукаммал тўлдиради. Сочларнинг катта ҳажмда жингалак қилиш ва уларга бироз ҳажм бериш кундалик иш, ўқиш ёки учрашувга ҳам мос келади.
Ёшларбоп қувноқ соч турмаги. Сочни икки чаккадан ўриб қўйиш ва учини ҳам бўшлигича қолдириш кўпроқ ёш қизларга мос келади. Шунингдек, образга бироз енгиллик ҳамда баҳорий кайфият бағишлайди.
Сочларнинг пастка ва силлиқ қилиб турмаклаш янги мавсумда трендда. Ушбу кўриниш бироз расмий бўлса-да, аммо қулай ва чиройли. Айниқса, ушбу турмакни кечки учрашувлар учун қўллаш мумкин.
Текис ёки табиий жингалак сочлар ҳам ҳамиша аёлларнинг севимли танлови бўлган. Ушбу турмак билан исталган жойга исталган вақтда ташриф буюриш мумкин. Табиийлик ҳеч қачон урфдан қолмайди.
Бошнинг икки чет қисмига катта ва ҳашамдор безакли қистирғич тақиш ҳам ёшлар орасида оммалашди. Одатда бундай соч турмаги классика ва замонавийликнинг комбинациясига ўхшайди.
Шунингдек, янги мавсумда ўз образига янглик киритишни истайдиган аёллар учун муаммо йўқ. Масалан, сочни бироз қисқартириб, жингалак қилиш ёки текис соч эгалари учун шунчаки чўлка кесиш кифоя қилади.
Изоҳ (0)