Instagram: 4,5 млн обуначисини қайтариб олган Шаҳзода Муҳаммедова, Маржона Мирзаалиеванинг турмуш ўртоғига сюрпризи, YouTube офисида бўлган ўзбекистонлик машҳурлар

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Даврон Кабулов ҳар бир катта одам вақти-вақти билан болаликни соғиниши ҳақида ажойиб пост ёзди.

Хонанда Лола Тошкентда турк инвесторлари қураётган турар жой реклама ролигида суратга тушмоқда. У баҳонада турк тилини ўрганиб олгани ҳақида сўзлаб берди.

Муниса Ризаева ўзини бахтли ҳис этаётганини маълум қилди.

Маржона Мирзаалиева турмуш ўртоғининг туғилган кунига ажойиб сюрприз тайёрлади.

Зарина Низомиддинова болалиги ҳамда ота-онаси билан боғлиқ хотираларини мухлислари билан бўлишди.

Раққоса Паризода «Севимли» телеканалининг «Ким экан?» лойиҳаси учун таниб бўлмас даражада мураккаб бўлган образ яратди.

Отабек Маҳкамов 7 йиллик гина-кудуратдан сўнг ҳамкасби Алишер Узоқов билан ярашиб олганини маълум қилди.

Гулсанам Мамазоитованинг саҳифасига қизи Моҳижаҳонбегимнинг туғилган кунини нишонлаётгани акс этган видео жойлаштирилди.

Улуғбек Раҳматуллаев саҳифасига янги сурат жойлаштирди.

Шаҳзода Муҳаммедованинг салкам олти ой аввал блокланган 4,5 миллион кузатувчига эга саҳифаси очилди. Актриса ушбу хушхабарни мухлисларига етказар экан, аккаунтидан бутунлай умидини узганини айтиб ўтди.

Айни пайтда АҚШда бўлиб турган шоу-бизнес вакиллари Юлдуз Турдиева, Шаҳло Зоирова ва Озод Хуррамов Сан-Францискода жойлашган YouTube офисига борди.

Хонанда, актриса ва телебошловчи Ҳуснора Шодиева «Эсламайман» қўшиғига ўз ҳаётида юз берган воқеалар асосида суратга олинган клипни тақдим этди.