Хью Гранд бутун фаолияти давомида камерадан қўрқса-да, лекин фильмларда суратга тушди; ота бўлишни истамас эди, аммо охир-оқибат кўп фарзандли отага айланди. Қарама-қаршиликларга тўла Хью Грантнинг таржимаи ҳоли яхшигина мелодрамага асос бўла олиши мумкин.
Актёрнинг тўлиқ исми Хью Жон Мунго Грант бўлиб, у 1960 йил 9-сентябр куни Лондонда туғилган. Бўлажак актёр 1982 йилда Оксфорд университетининг коллежини санъат тарихи бўйича тамомлаган. Ўқиш пайтида у «Имтиёзли» комедиясида дебют қилди ва тез орада театр труппасига қўшилиб, эпизодик ролларда ўйнашда давом этди. 1987 йилда актёр ўзининг биринчи муваффақиятига «Морис» драмасидаги роли билан эришди, бу унга 44-Венеция халқаро кинофестивалида энг яхши роли учун Волпи кубогини олиб келди.
Хью Грант иштирокидаги фильмлар
Вақт ўтиши билан Хью Грант тобора кўпроқ йирик лойиҳаларда иштирок эта бошлади, масалан, «Ноктюрнлар», «Экспромт», «Шамолда эшкак эшиш». 1994 йилда «Тўрт тўй ва дафн маросими» фильмидаги роли унинг фаолиятидаги бурилиш нуқтаси бўлди. Фильмдаги роли учун актёр «Олтин глобус» ва «Энг яхши эркак роли» учун BAFTA мукофотини қўлга киритди. 2000 йилда «Брижит Жонснинг кундалиги» фильми актёрни яна машҳурлик тўлқинига кўтарди. Хью Грант романтик фильмларда рол ўйнашда давом этди. 2006 йилда Франция кино академияси Хью Грантни кинога қўшган ҳиссаси учун фахрий «Цезарь» мукофоти билан тақдирлади.
Бунга ишониш қийин, лекин Хью Грант ҳеч қачон актёр бўлишни хоҳламаган, ҳатто унинг иштирокидаги яна бир муваффақиятли мелодрама, яхшигина пул, шон-шуҳрат ва мукофотларни олиб келган пайтда ҳам. Ҳарбий ва ўқитувчининг ўғли доимо ёзувчи бўлишни хоҳларди ва ҳатто китоб ёзишни бошлади, лекин уни тугата олмади. Кўк кўзли хушбичим Хью Грант Оксфорд университетидаги коллежни тугатгандан сўнг дарҳол экранларга чиқди: у комедиячилар гуруҳида, телекўрсатувларда ва кейин «Морис» фильмида рол ўйнади.
Хью Грантнинг шахсий ҳаёти мелодрамаси
Талабаларнинг севгиси ҳақидаги фильм Хьюнинг ҳаётини ўзгартирди: ёш актёр назарга тушди ва у ўзининг биринчи соврини – Венеция кинофестивалида энг яхши роли учун Волпи кубогини қўлга киритди. Бу унинг актёрлик карьерасидаги бошланғич нуқта эди. У роман ёзишга қайтмайди. Ўша 1987 йилда актёр ҳаётининг асосий мазмуни – актриса Элизабет Херли билан учрашди.
Улар биргаликда «Шамолда эшкак эшиш» мелодрамасида рол ўйнашди. Хью дарҳол Элизабет туфайли ақлини йўқотди, лекин бу унга бир қанча қийинчиликлар келтирди: Грант неврастеник характерга эга бўлиб, кайфияти тез-тез ўзгариб турарди ва руҳиятида оғриқ паё бўларди. Ҳар қандай аёл ҳам бундай эркак билан 13 йил давомида турмуш қуриш таклифини талаб қилмасдан бирга яшай олмайди. Элизабет ҳатто 1995 йилда актёр Хью Грантнинг хиёнатига ҳам чидади. Улар орасидаги можаро матбуоутда шов-шув бўлди, аммо актриса ўзини бунга муносиб тутди.
Ва ниҳоят 2000 йилда ажрашиш ташаббуси билан қиз судга мурожаат қилди. Хью Грантнинг доимий тушкунликлари Элизабетни шунчалик чарчатиб юборган эдики, энди унинг ҳам сабри барҳам топганди.
«Биз қитъалар силжишидан кўра секинроқ ажрашдик. Лекин охир-оқибат ҳаммаси якун топди. Тақдир бизга совға қолдирди: эҳтироссиз дўстлик ва бир-бирига эга бўлиш истаги», – дейди Хью Грант бу ҳақда.
Уларнинг иккаласи учун бу муносабатлар кўп йиллар давомида энг узоқ ва кучли бўлиб қолди. Хью америкалик миллионер Стив Бингдан бўлган Элизабетнинг ўғлининг чўқинтирган отаси бўлди ва бу актёрнинг янги ёқтирган қизлар орасида ақл бовар қилмайдиган рашкни келтириб чиқарди.
Хью Грант муваффақиятининг бошқа томони
Ташқи томондан, 2000 йилларнинг боши актёр Хью Грант учун муваффақиятли бўлгандек туйилди: тез орада мелодрама жанрининг классикасига айланадиган фильмлар бирин-кетин намойиш этилди: «Ноттинг-Хилл, «Брижит Жонснинг кундалиги», «Ҳақиқий севги».
Дарҳақиқат, Хью Грант ҳеч қачон ўзини бунчалик ишончсиз ва серташвиш ҳис қилмаган эди. У Элизабет билан ажрашишга қийналди, бу унинг камераларга бўлган қўрқувини энг юқори чўққига олиб чиқди. «Ноттинг-Хилл» фильмининг суратга олиш майдончасида партнёри Жулия Робертс унинг ортидан югуриб, ҳар бир муваффақиятсиз кадрдан кейин уни яна суратга тушишга кўндиришга мажбур бўлди.
Актриса Дрю Берримор эса у билан бирга «Мусиқа ва сўз» («Music анд Lyrics» фильмида бош ролни ўйнади, бу эса актёрга қисқа вақт ичида ишонч бағишлади. Қолаверса, Хью энг яхши руҳий шаклда бўлмаган журналист Жемайма билан янги муносабатларни бошлади. Шунга қарамай, актёрнинг шахсий ҳаёти озми-кўпми яхшиланди, улар Жемайма унинг юрагидан кетмагунча, уч йил давомида учрашишди.
Йиллар ўтаверар ва 2009 йилда Хью 50 ёшни қарши олиши керак эди. Унинг туғилган кунига қанчалар оз вақт қолган бўлса, унинг ички инқирози шунчалик жиддийлашди. Муваффақиятли карьерасига қарамай, Хью Грантнинг на оиласи, на болалари бор эди – бу сўнгги ярим аср ичида актёр учун жуда ачинарли натижа бўлди.
Хью Грантнинг нотинч шахсий ҳаёти
У ўзини қўлга олди ва ишлашда давом этди, баъзида уни номаълум ёш қизлар билан кўришди. Тўсатдан 51 ёшли актёр Хью Грант фарзандли бўлди!
Албатта, бу ҳақда биринчи бўлиб Элизабет билди. У актёрни алдаяпти деб ўйлади, лекин Хью Грант ҳазиллашмаган эди. Актёрнинг фарзандининг онаси Тинглан Хонг исмли хитойлик аёл бўлиб, у оддий официант бўлиб ишлар ва актёр у билан фарзанд кўришини хаёлига ҳам келтирмаганди.
Хонгнинг ҳар қандай молиявий даъволардан воз кечишга тайёрлиги Хьюга куч берди. У фарзандининг бўлажак онасига уйи ёнидан қаср сотиб олди, шунингдек, Лондондаги энг нуфузли клиникалардан бирида туғруқ учун пул тўлади. 2011 йил 26-сентябрда Хью Грантнинг таржимаи ҳоли сезиларли ўзгаришларга дуч келди – энди Хьюнинг қизи бор ва бу фақат бошланиши эди холос.
Тез орада Тинглан Хонг билан муносабатлар барбод бўлди ва Хью Грант Анна Эберштайн билан учрашишни бошлади. Улар теннис ўйнаётганда танишиб қолган. 2012 йил сентябрь ойида у Хьюнинг иккинчи фарзанди Жон Мунгони дунёга келтирди.
Эберштайн оқила аёл бўлиб чиқди. У турмуш қуришни талаб қилмади, аммо фарзанд кўришни хоҳлар эди, теннисга бўлган иштиёқи туфайли Хью Грантнинг шахсий ҳаётини реклама қилишни истамаслигини маълум қилди. У ҳам совға сифатида худди Тинглан Хонг каби актёрдан дабдабали уй олди ва шу орада Хью учинчи маротаба ота бўлди, фарзандининг онаси эса яна хитойлик аёл эди.
Грантнинг маълум қилишича, бу фақат узоқ дўстликка айланган ўткинчи муносабат бўлган. Буни актёрда собиқ аёллари билан шунчаки дўст бўлиб қолиш қобилияти балки мавжуд эмас деб тахмин қилиш мумкин.
Айтишларича, ўша пайтда бир неча ойлик ҳомиласи бўлган Хонгни Анна самимий табриклаб, унга бир нечта совғалар юборган. Болаларнинг 2:1 ҳисоби Тинглан Хонг фойдасига 2015 йилгача сақланиб қолди, Эберштайн эса буни тенглаштириб, Хью Грантнинг қизини ҳам дунёга келтирди. 2018 йилда Анна ниҳоят рақибасини мағлуб этиб, Хьюни нафақат учинчи фарзандини дунёга келтирди, балки актёр билан 2018 йил 25 майда никоҳдан ўтди.
Энди ёлғиз актёр 5 фарзанд ва 2 рафиқани ташкил этган каттагина оилага эга. У вақти-вақти билан қонуний рафиқаси Анна Эберштайн билан омма олдида кўриниш беради. Шунингдек, Элизабет ва унинг ўғли билан илиқ мулоқот қилишда давом этади. Аёллар ҳатто болалари туғилгандан кейин унинг неврастенияси барбод бўлганини айтиб ўтган, қолаверса Грантнинг камераларга бўлган қўрқуви ҳам ўз ўзидан йўқ бўлиб кетган.
Изоҳ (0)