Futbol bo‘yicha Ispaniya La Ligasining 25-turidan o‘rin olgan “Real” va “Alaves” o‘rtasidagi bahs 19-fevral, shanba kuni bo‘lib o‘tdi.
“Santyago Bernabeu” mezbonlik qilgan o‘yin “qirollik klubi”ning yirik g‘alabasi bilan yakunlandi. Madridliklar birinchi bo‘limda raqib darvozasi tomon yo‘l topa olmadi. Ammo ikkinchi bo‘limda Karlo Anchelotti shogirdlari “Alaves” darvozasiga javobsiz 3 ta gol urishning uddasidan chiqdi va g‘alabani o‘z tomoniga og‘dirib oldi. Gollarni Marko Asensio, Vinisius Junior va Karim Benzema o‘z nomiga yozdirib qo‘ydi.
Ushbu g‘alabadan keyin peshqadam “Real”ning ochkolari 57 taga yetdi. “Alaves” esa 20 ochko bilan 19-o‘rinni egallab turibdi.
La Liga
25-tur bahslari
19-tur bahslari
“Real Madrid” – “Alaves” 3:0
Gollar: 1:0 – 63 Asensio, 2:0 – 80 Vinisius Junior, 3:0 – 90, penalti Benzema.“Real”: Kurtua, Karvaxal (Vaskes, 87), Alaba, Militao, Mendi (Marselo, 85), Modrich (Rodrigo, 82), Kazemiro, Valverde, Benzema, Asensio (Sebalyos, 82), Vinisius Junior (Azar, 85).
“Alaves”: Pacheko, Tenalya, Lejen, Myazga, Duarte (Ximo Navarro, 83), Jeyson (Pere Pons, 61), Pina, Eskalante (Mendes, 72), Lum (Moyya, 83), Xoselu, Rioxa (Valyexo, 72).
Ogohlantirishlar: Modrich (33), Lum (48).
Izoh (0)