Нурсултон Рўзибоев Тошкентда ўтказилган MMA кечасида бразилиялик рақибини 1-раундда таслим этди

Тошкентда 19 февраль, шанба куни Octagon ва U1 промоушенлари ҳамкорлигида MMA кечаси бўлиб ўтди.

Кечанинг асосий жангида ўзбекистонлик Нурсултон Рўзибоев (34-9-2) бразилиялик Лучиано Континига (14-5) қарши октагонга кўтарилди. Беллашув 54-сонияда ўз ниҳоясига етди. Рўзибоев рақибини оғритувчи усул билан мағлубиятга учратди.

Шунингдек, ушбу кечанинг асосий кардида қуйидаги жанглар бўлиб ўтди.

• Руслан Рустамов (Озарбайжон) Авлиёхон Ҳамидовни (Ўзбекистон) 1-раундда оғритиш услуби билан мағлуб этди;
• Азамат Нуфтиллаев (Ўзбекистон) ва Юрий Проценко (Украина) ўртасидаги баҳс дуранг натижа билан якунланди;
• Еркубулан Токтар (Қозоғистон) Абдул-Азиз Сотволдиевни 2-раундда нокаутга учратди;
• Иляр Асханов (Қозоғистон) Муслимбек Комиловни (Ўзбекистон) 3-раундда мағлуб этди;
• Илёр Бактияр Улу (Қирғизистон) Фарҳод Давлатовни (Тожикистон) 2-раундда техник нокаутга учратди;
• Фахриддин Мардиев (Ўзбекистон) Амир аш-Шанруни 1-раундда техник нокаут эвазига мағлуб этди.