Ижтимоий тармоқларда Самарқанд вилоятида Damas автомашинаси транспорт воситаларининг оқимига қарама-қарши ҳаракатлангани акс этган видеолавҳа тарқалди. Йўл ҳаракати хавфсизлиги хизмати ҳолат бўйича маълумот берди.
Қайд этилишича, видео юзасидан вилоят ИИБ ЙҲХБ масъул ходимлари томонидан суриштирув олиб борилган. Қоидаларни қўпол тарзда четлаб ўтган Damas ҳайдовчисига нисбатан Маъмурий жавобгарлик тўғрисидаги кодекснинг 128-5-моддаси (транспорт воситалари ҳайдовчиларининг халақит бериши ёки авария ҳолатини юзага келтириши, йўлнинг қарама-қарши ҳаракатланиш учун мўлжалланган томонига ёки бўлагига чиқиши) тартибида баённома расмийлаштирилган.
«Барча ҳайдовчилардан қоидаларга риоя қилишларини, йўлларда ўзи ва атрофдагилар саломатлигини хавф остига қўймасликларини сўраймиз», — дейилади хабарда.
Мавзуга доир:
- Тошкентда йўлнинг қатнов қисмида дрифт қилган Mercedes-Benz ҳайдовчисига чора кўрилди (видео)
- Самарқандда автобус трамвай йўлини кесиб ўтиб, қарама-қарши йўналишга чиқиб ҳаракатланди (видео)
- Фарғонада ЙПХ ходимининг талабига бўйсунмай, қарама-қарши йўналишда ҳаракатланган Lacetti’ни 14 ёшли ўсмир бошқаргани аниқланди
Изоҳ (0)