Тошкент вилоятининг Бекобод шаҳрида метан газ шохобчасини электр тармоғига улаш учун пора талаб қилган «Электр тармоқлари корхонаси» муҳандиси қўлга олинди, деб хабар беради Бош прокуратура ҳузуридаги департамент.
Маълум қилинишича, департаментнинг Бекобод шаҳар бўлими томонидан тезкор тадбир ўтказилган. Тадбир давомида Бекобод шаҳар «Электр тармоқлари корхонаси» бош муҳандиси Б.К. ўз хизмат мавқейидан фойдаланиб, шаҳар ҳудудида янги қурилаётган автомобилларга газ тўлдириш компрессор шохобчасини 13-даҳадаги 6 киловаттли «Фидер» қозонхонаси орқали электр тармоғига улаш ҳамда техник шарт бериш эвазига пул талаб қилгани аниқланган. У «хизмати эвазига» 2 минг доллар пора олган вақтида ашёвий далиллар билан ушланган.
Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Самарқанд вилоятидаги газ заправка 5,4 миллиард сўмлик газ ўғирлагани аниқланган эди.
Изоҳ (0)