17 февраль куни COVAX дастури доирасида Ўзбекистонга яна 2 822 400 доза Moderna вакцинасини етказиб берилди, деб хабар беради ЮНИСЕФ матбуот хизмати.
Шундай қилиб, ЮНИСЕФ орқали Ўзбекистонга ушбу механизм доирасида ҳамда хайрия қилинган COVID-19 га қарши вакциналарининг умумий сони 12,67 миллион дозага етди. Уларнинг умумий қиймати 97,4 миллион АҚШ долларини ташкил этади.
Эслатиб ўтамиз, 10 январь куни Ўзбекистонга Moderna вакцинасининг 500 400 дозаси, 2021 йилнинг июнида эса 3 миллиондан ортиқ дозаси олиб келинганди.
Аввалроқ COVAX Ўзбекистонга 2022 йилнинг биринчи чорагида 11 млн доза вакцина тақдим этиши, Ўзбекистонда ишлаб чиқарилган ZF-UZ-VAC2001 вакцинасининг 910 мингдан ортиқ дозаси эмлаш учун топширилгани тўғрисида хабар берилганди.
Мавзуга доир: Ўзбекистонда коронавирусга қарши эмланганларга пул берилаётгани ҳақидаги хабарлар рад этилди
Изоҳ (0)