Сўнгги вақтларда ижтимоий тармоқларда ҳайдовчиликка ўқитиш ва гувоҳнома олишдаги коррупцион ҳолатлар, йўл-транспорт ҳодисалари тобора ортиб бораётгани кенг муҳокама қилинмоқда.
Шавкат Мирзиёев 11 февраль куни ўтказилган видеоселектор йиғилишида Ўзбекистонда ҳайдовчиликка ўқитиш ва гувоҳнома бериш бўйича янги тизим яратилишини айтди.
«Йилдан йилга автотранспорт воситалари ва ҳайдовчилар сони кўпайгани билан уларнинг маданияти, ўзаро ҳурмат ва билим-тажрибаси пасайиб бораётгани ҳам айни ҳақиқат. Масалан, аварияларнинг 75 фоизини 35 ёшгача бўлганлар содир этган. Ҳар йили 500 минг киши ҳайдовчилик гувоҳномаси олади, лекин 25 фоизи машғулотларга қатнашмайди», — деди Шавкат Мирзиёев.
«Дарё» ҳайдовчилик гувоҳномасини олиш тартиби ҳамда тизимнинг қай даражада шаффофлиги юзасидан аҳолининг фикри билан қизиқди.
Сўровномада иштирок этган аёлнинг айтишича, сўнгги вақтларда ҳайдовчилик гувоҳномасини олиш ҳам осонлашиб кетган. Ўқимасдан сотиб олади.
«Кўпчилик танишларимдан эшитганман, борганда барибир имтиҳон олмайди, гувоҳнома пул билан олинади«, — дейди талаба йигит.
Йўловчи қизнинг қайд этишича, йўл-транспорт ҳодисаларининг сабаби — имтиҳонларнинг пул билан ўтаётганида.
Аввалроқ «Дарё» ҳайдовчилик гувоҳномасини олиш тизими ва ҳайдовчилик маданияти ҳақида Абдулазиз Обиджонов билан суҳбатлашган эди.
Мавзуга доир:
- «Дарё» сўровномаси: Ўзбекистон мадҳияси қачон қабул қилинган? Муаллифлари ким?
- Тошкент метросига неча баҳо қўясиз?
- «Тошкентда ‘свет’ ўчганига ҳайрон қолдим». Пойтахт аҳолиси ва меҳмонлари электр энергиясидаги узилишлар ҳақида
- «Энг қийин даврлардан олиб чиққан» — Биринчи президент Ислом Каримовни ўзбекистонликлар қандай хотирлайди
- Тошкентга қайтаётган трамвай ҳақида пойтахтда яшовчиларнинг фикри қандай?
Изоҳ (0)