Самарқанд шаҳрида вилоят ҳокими Эркинжон Турдимов иштирокида Халқ депутатлари шаҳар Кенгашининг навбатдаги сессияси бўлиб ўтди. Сессияда шаҳарнинг янги ҳокими жамоатчиликка таништирилди, дея хабар берди Самарқанд шаҳар ҳокимлиги ахборот хизмати.
Қайд этилишича, Самарқанд шаҳар ҳокими вазифасида фаолият юритиб келган Бобурмирзо Облақулов бошқа ишга ўтиши муносабати билан, аризасига асосан эгаллаб турган вазифасидан озод этилган.
Сессияда, шунингдек Ўзбекистон Республикаси Давлат солиқ қўмитаси раисининг биринчи ўринбосари — Ўзбекистон Республикаси Давлат солиқ қўмитаси ҳузуридаги Кадастр агентлиги директори лавозимида фаолият юритиб келган Фазлиддин Умаров номзоди Самарқанд шаҳри ҳокими лавозимига кўрсатилиб, тасдиқланган.
Аввалроқ Қоракўлчилик ва пиллачиликни ривожлантириш қўмитаси раиси ўринбосари Қарши туманига ҳоким этиб тайинланганди.
Изоҳ (0)