Томошабинларга манзур бўлган турк сериали – «Золим Истанбул»нинг қаҳрамонлари ҳақида нималарни биламиз? 

«Миллий» телеканали орқали эфирга узатилаётган Туркиянинг «Золим Истанбул» сериали ўзбек томошабинлари кўнглидан аллақачон жой эгаллаб улгурган. Сериалнинг суратга олиш жараёнлари қандай ўтгани, бош ролларни ижро этган актёрларнинг ҳаёти телетомошабинлар учун қизиқ бўлиши, шубҳасиз. Қуйида «Золим Истанбул» сериали ҳақидаги маълумотларни эътиборингизга ҳавола этамиз.

Турк сериаллари ўзининг маҳоратли актёрлари, ҳиссиётли саҳналари ва ақл бовар қилмайдиган бурилишли сюжетлари билан бутун дунёга машҳур. Шунингдек, кўплаб мамлакатлар аҳолиси навбатдаги турк премьерасининг қачон ўз тилларига таржима қилинишини ва янги қизиқарли воқеани томоша қилиш имконияти пайдо бўлишини интиқлик билан кутмоқда.

«Золим Истанбул» сериалининг илк эпизодлари 2019 йилда суратга олинган. Сериалга Жевдет Мержан, Шенол Сенмез ва Гўкчен Уста режиссёрлик қилган. Бир фасл 136 эпизодни ўз ичига олади. Сериалнинг суратга олиш ишлари Сурия билан чегарага яқин жойлашган Антакя шаҳрида бўлиб ўтган, бироқ кейинчалик суратга олиш ишлари Истанбулга кўчирилган. Бош қаҳрамонлар – Қорачойлар оиласи яшаган уй XIX асрнинг қайта тикланган павильонидир, Туркияда у «Оқ сарой» номи билан машҳур.

«Золим Истанбул» сериали сюжети

https://www.instagram.com/p/BtvMt3-hsmA/?utm_source=ig_embed&ig_rid=e6504032-9316-46db-a1da-a4b7361f3a58

Сериал Босфор соҳилидаги катта қасрда яшовчи бой ва олижаноб оила ҳақида ҳикоя қилади. Бир куни оила бошлиғи ногиронлик аравачасидаги жиянини уйлантиришга қарор қилади. У камбағал оиладан ёш келин топиб, куёв билан танишиш, яқинлашиши учун уни уйига таклиф қилади. Аммо отанинг режалари ўғлининг Америкадан келиши билан барбод бўлади, ўғил жиянидан олдин у қизни учратиб қолади ва севиб қолади. Воқеалар ривожи шу тарзда тус олади.

Фикрет Кушкан – оила бошлиғи ва муваффақиятли компания эгаси Агаҳ Қорачой 

https://www.instagram.com/p/BvUJK_cDltR/?utm_source=ig_embed&ig_rid=f79ec802-d99d-4f36-bcc3-0eaa053e667a

13 ёшида отасидан айрилган Фикрет оиласи билан Токатга кўчиб кетган. 3 йилдан сўнг бўлажак актёр таълим олиш учун Истанбулга қайтиб келди. Айни пайтда Фикрет Кушкан муваффақиятли актёр, у уч марта Тurk Film мукофотларидан «Энг яхши эркак роли» номинациясини қўлга киритган. Бундан ташқари, актёр икки марта оила қурган, биринчи рафиқаси билан ажрашган ва ҳозирда иккинчи турмуш ўртоғи билан 5 йилдан буён биргаликда яшамоқда.

Мине Тугай – Шениз Қорачой, Агаҳнинг рафиқаси 

https://www.instagram.com/p/BvPBLYvHSWG/?utm_source=ig_embed&ig_rid=4e00e988-a8a0-4b91-859c-56f2999681ad

Болалигидан Мине актриса бўлишни орзу қилган. У лицейда ўқиётганидаёқ театр спектаклида рол ўйнаш имкониятини қўлдан бой бермади. Лицейни тугатгач, Истанбул университети консерваториясига ўқишга кирди. Актёрлик факультетини тугатгач, Мине Бахчешире университетининг актёрлик бўлимига ўқишга кирди ва ўқишни тугатгандан сўнг театр ва кино актрисаси сифатида фаолиятини бошлади. 2008 йилда Мине Тугай Lions кинофестивалининг мукофотини олди, бир йилдан сўнг эса Мине Тугай энг муваффақиятли актриса деб топилди. Актриса шахсий ҳаёти ҳақида гапирмасликни афзал кўради.

Дениз Угур – Сеҳер, Агаҳнинг уй хизматкори

https://www.instagram.com/p/BvRk1G0lJbe/?utm_source=ig_embed&ig_rid=90601aa2-74c4-42c9-87ef-50f19f5e27a4

Денизнинг ота-онаси ҳам ижодкор одамлар: онаси балерина, отаси эса опера хонандаси. Актрисанинг тақдири болалигиданоқ аён бўлди. Унинг театрда кўплаб фильм ва сериалларда роллари бор. Актриса муваффақиятли карьерасига қарамай, шахсий ҳаётида бир қанча қийинчиликларни бошдан кечирди. Дениз турмушидан 3 йил ўтиб биринчи эри билан ажрашди, иккинчиси вафот этди, учинчиси эса актрисага ўз фарзандларини кўришни тақиқлади. 2011 йилда Дениз саратон касаллигига чалинди ва 2012 йилда операция қилинди. Актриса руҳий тушкунликка тушиб қолмади, ўзи севган иш билан шуғулланишда давом этди ва мухлисларини янги роллари билан хурсанд қилмоқда.

Ўзан Долунай – Женк, Агаҳнинг ўғли

https://www.instagram.com/p/BvMZ9tgHabm/?utm_source=ig_embed&ig_rid=cc8cf146-8bed-4ac5-8893-b93c96847116

Кинодаги фаолиятини эндигина бошлаётган ёш турк актёри. Ҳар бир янги рол унга тобора кўпроқ машҳурлик ва томошабинлар меҳрини олиб келмоқда. Мактаб йилларида бўлажак актёр спортни яхши кўрар эди, АҚШда сертификат олгач, Истанбулга қайтиб келди ва машинасозлик факультетига ўқишга кирди. Талабалик даврида у тасодифан актёрлик сабоқларига кириб қолди, ниҳоят ҳаётини нимага бағишламоқчи эканлигини тушунди. Бироз вақт ўтгач, у ўзининг истеъдодини намойиш этиб, театр саҳнасида дебют қилди. Актёр бир нечта нуфузли мукофотларни қўлга киритди. Интервьюларнинг бирида Ўзан Долунай энди эски касбига қайтишни истамаслигини айтиб ўтган.

Беркер Гувен – Недим, Агаҳнинг жияни 

https://www.instagram.com/p/BvHnCrvHYQG/?utm_source=ig_embed&ig_rid=13725219-a90a-466b-9e36-a93c422d9c78

Беркер Гувен Истанбул университетининг кино ва телевидение факультетини имтиёзли диплом билан тамомлаган. Дастлаб у театрда ишлаган, кичик роллар ва таниқли актёрлар билан бир саҳнада чиқишлар билан бирга кўплаб мукофотларга сазовор бўлган. Катта экранда Беркер Гувен илк бор 2017 йилда «Отам» фильмида дебют қилган. «Сен менинг Ватанимсан» сериалида рол ўйнаганидан сўнг «Золим Истанбул» сериали актёрнинг навбатдаги иштирок бўлди.