2022 йил бошидан буён Ўзбекистонда ис гази билан боғлиқ 21 ҳолатда 19 нафар фуқаро заҳарланган ва 36 нафар фуқаро вафот этган. Бу ҳақда АОКАда ўтказилган брифингда Фавқулодда вазиятлар вазирлиги ахборот хизмати бошлиғи ўринбосари Самандар Ҳикматуллаев маълум қилди.
Маълум қилинишича, ФВВ томонидан мавсум давомида юзага келиши мумкин бўлган фавқулодда вазиятларнинг олдини олиш ва ёнғин хавфсизлигини таъминлаш мақсадида жами 824 та ишчи гуруҳ ташкил этилиб, уларга тааллуқли идоралар вакилларидан 9 минг 58 нафар ходим жалб этилган.
Ташкил этилган ишчи гуруҳлар томонидан жойларда мавжуд бўлган жами 9167 та маҳаллаларда 50 мингга яқин ўрганишлар ўтказилган. Улардаги 38 608 та кўп квартирали уйлардаги 1 миллион 810 минг 410 та хонадон текшириб чиқилган, аниқланган 168 минг 771 та камчиликдан 150 790 таси (89,3 фоиз) жойида бартараф этилган.
Маҳаллаларда олиб борилган тадбирлар давомида 37 254 та хонадонда табиий газдан ва 22 690 та хонадонда суюлтирилган газдан фойдаланишда хавфсизлик қоидаларини бузиш ҳолатлари аниқланиб, ҳолатлар бартараф этилган. Шунингдек, 21 075 та ностандарт иситиш печларидан фойдаланиш ҳолатлари аниқланиб, уларнинг 20 476 таси олиб ташланган.
Шунга қарамасдан, республика ҳудудида 2021 йилда ис гази билан боғлиқ жами 74 та ҳолат аниқланиб, ушбу ҳолатларда 67 нафар фуқаро заҳарланган ва 128 нафар фуқаро вафот этган бўлса, 2022 йилнинг 9 февраль ҳолатига кўра, 21 ҳолатда 19 нафар фуқаро заҳарланган ва 36 нафар фуқаро вафот этган.
- фуқаролар томонидан газ ва муқобил ёқилғи (кўмир, ўтин ва бошқа) турларидан фойдаланишда хавфсизлик чораларига риоя этмаслик;
- ностандарт (қўлбола ясалган) ёки сертификатга эга бўлмаган иситиш печлари ва анжомларидан фойдаланиш;
- иситиш печларининг дудбўронларини нотўғри ўрнатиш;
- газ ёки бошқа муқобил ёқилғига мослаштирилган иситиш печлари (анжомлари)ни дам олиш (ухлаш) хоналарига олиб кириш;
- ҳаво алмашмайдиган хоналарни иситишда очиқ олов (кўмир ва ўтин чўғлари)дан фойдаланиш;
- ҳавони алмаштирувчи шамоллатиш шахталари ёки туйнукларни беркитиб (тўсиб) қўйиш шулар жумласидан.
Ушбу ёнғинларнинг 83 таси газ баллонларидан фойдаланишда хавфсизлик қоидаларининг бузилиши натижасида юзага келган бўлиб, шулардан 2 таси автомобилларда, 81 таси бино-иншоотларда содир бўлган. Натижада 5 нафар фуқаро вафот этган ва 22 нафар фуқаро тан жароҳати олган. Моддий зарар миқдори 1,12 миллиард сўмдан ортиқни ташкил этган.
Аввалроқ Самарқандда тўрт кишининг ис газидан заҳарланиб вафот этгани юзасидан жиноят иши қўзғатилгани, Хоразмдаги чойхонада бир оиланинг уч аъзоси ис газидан заҳарланиб вафот этгани, Каттақўрғонда ис газидан оилавий заҳарланиш оқибатида уч нафар бола ҳалок бўлгани тўғрисида хабар берилганди.
Изоҳ (0)