Бортида АҚШнинг 84 тонна ҳарбий ёрдами бўлган бешинчи самолёт Киевга етиб келди, яқин кунларда яна бир самолётнинг келиши кутилмоқда. Бу ҳақда Украина Мудофаа вазири Алексей Резников маълум қилди.
28 январь куни Киевга АҚШ ҳарбий ёрдамининг тўртинчи партияси етказилганди.
«Бешинчи қушча Кивевда! Яна 84 тонна турли хилдаги калибрли ўқ-дорилар! Яқин кунларда америкалик дўстларимиздан мудофаа қуролларининг яна бир партиясини кутяпмиз!» – деб ёзган вазир Facebook’да.
Январь ойининг иккинчи ярмида АҚШ ва Буюк Британиянинг юк ташувчи самолётлари қурол ва ҳарбий техника етказиб бериш учун Украинага 15 га яқин парвозни амалга оширди.
Аввал АҚШ Украинанинг мудофаа эҳтиёжлари учун қўшимча 200 миллион долларлик ёрдам ажратган эди. АҚШ томонидан 2021 йилда Украинага жами 650 миллион долларлик ҳарбий ёрдам кўрсатилган. 2014 йилдан буён эса Украина 2,7 миллиард долларлик ёрдам олган.
Мавзуга доир:
- Зеленский АҚШ давлат котиби билан учрашувда Украина армиясини модернизация қилишда ёрдам сўради
- Байден тез орада Шарқий Европага қўшимча кучлар юборилишини эълон қилди
- АҚШ Украинага яна 80 тонна қурол-яроғ етказиб берди
- Британия юзлаб ҳарбийларини Украинага қўшни давлатларга жўнатишни режалаштирмоқда
Изоҳ (0)