Истанбул аэропорти 2021 йилнинг Европадаги энг гавжум ҳаво бандаргоҳи деб топилди. Бу ҳақда Европа халқаро аэропортлар кенгаши (АCI)нинг ҳисоботига таяниб, Anadolu агентлиги хабар берди.
Кенгаш маълумотларига кўра, Туркия аэропортида йўловчилар оқими ўтган бир йил ичида қарийб 37 миллион кишини ташкил этган. Иккинчи ўринни 30,9 миллион йўловчига хизмат кўрсатган Шереметьево (Москва) эгаллади. Рейтингда учинчи ўрин Шарль-де-Голль номидаги аэропортига (Париж) насиб этди — бир йил давомида 26,2 миллион йўловчи. Тўртинчи ва бешинчи ўринларни мос равишда Схипхол (Амстердам) ва Домодедово (Москва) аэропортлари банд этган.
Bloomberg рейтингига кўра, 2020 йилда Лондоннинг Xitrou аэропорти COVID-19 пандемияси туфайли Европадаги энг гавжум аэропортлар рейтингидаги биринчиликни қўлдан бой берганди. Унинг ўрнини Истанбулдаги 2018 йилда очилган янги халқаро аэропорт эгаллаган эди.
Маълумотларга кўра, Xitrou’нинг йўловчи ташиш ҳажми 2020 йил мобайнида 73 фоизга камайган. 2019 йилда мазкур аэропорт хизматидан деярли 81 миллион киши фойдаланган бўлса, 2020 йилда бу кўрсаткич атиги 22,1 миллион кишини ташкил қилган.
Изоҳ (0)