Қашқадарё вилоятининг Қарши шаҳрида 30 январь куни Ўзбекистоннинг биринчи президенти ҳайкали пойига гулчамбарлар қўйиш маросими бўлиб ўтди. Бу ҳақда «Дарё»га вилоят ҳокимлиги ахборот хизмати хабар берди.
Қайд этилишича, Ислом Каримов ҳайкали пойига гулчамбар қўйиш маросимида вилоятда фаолият юритувчи идора ва ташкилотлар ходимлари ҳамда кенг жамоатчилик вакиллари иштирок этди.
Марҳум президент Ислом Каримов 1986—1989 йилларда Ўзбекистон Компартияси Қашқадарё вилоят қўмитаси биринчи котиби, яъни вилоят раҳбари сифатида фаолият юритган.
Бундан аввал Шавкат Мирзиёев Тошкентдаги Ислом Каримов номидаги илмий-маърифий ёдгорлик мажмуасига ташриф буюриб, биринчи президент ҳайкали пойига гулчамбар қўйгани, Самарқанд вилоят ҳокими Эркинжон Турдимов бошчилигидаги вилоят фаоллари Самарқанд шаҳридаги Ислом Каримов мақбара-мажмуасида йиғилиб, унинг қабрини зиёрат қилгани ҳақида хабар берилган эди.
Изоҳ (0)