Шавкат Мирзиёев 30 январь куни Ислом Каримов номидаги илмий-маърифий ёдгорлик мажмуасига ташриф буюриб, биринчи президент ҳайкали пойига гулчамбар қўйди. Бу ҳақда Президент матбуот хизмати хабар қилди.
Қайд этилишича, маросимда қуръон оятлари ўқилиб, дуо қилинган. Ислом Каримовнинг халқ манфаати йўлида қилган ишлари, мардлик, одиллик, камтаринлик хислатлари ёдга олинган.
Маросимда Олий Мажлис палаталари, Президент Администрацияси ва ҳукумат вакиллари, илм-фан ва маданият намояндалари, зиёлилар, шаҳар жамоатчилиги иштирок этди.
Ислом Каримовнинг Самарқанд ва Қарши шаҳарларидаги ҳайкаллари пойига ҳам гуллар қўйилган.
Ўзбекистонликлар биринчи президент Ислом Каримовни қандай хотирлайди? Ушбу саволга жавоб олиш мақсадида «Дарё» кичик сўровнома ўтказди.
Сўровномада иштирок этганларнинг аксари марҳум президент Ислом Каримовни «Ўзбекистонни оёққа турғазиб берган», «Буюк шахс, бошқа таъриф йўқ», «Энг қийин даврлардан олиб чиққан» дея эслади. Улар Ислом Каримовни мустақиллик асосчиси сифатида билади.
Изоҳ (0)