Россиялик миллиардерлар Украина атрофидаги кескинлик туфайли бир ой ичида қарийб 28 млрд доллар йўқотди

Украина атрофидаги вазиятнинг кескинлашуви ва Россия фонд бозорининг қулаши оқибатида 104 нафар россиялик миллиардернинг умумий бойлиги 2021 йил 20 январдан 2022 йил 25 январга қадар 27,9 миллиард долларга камайди, деб хабар беради Forbes.

Forbes журнали ҳисоб-китобларига кўра, бир ой ичида 104 нафар миллиардернинг 76 нафарининг бойлиги камайган. Шу билан бирга, уларнинг ўн нафари 1 миллиард доллардан ортиқ маблағ йўқотган.

Энг катта йўқотишни «Новатек» ва «Сибур» компанияларининг асосий эгаси ҳисобланувчи Леонид Михелсон бошдан ўтказган — унинг бойлиги 2,1 миллиардга камайиб, 25,5 миллиард долларга тушиб кетди. Ундан кейинги ўринни «Новатек» ва «Сибур» директорлар кенгаши аъзоси Геннадий Тимченко 1,9 миллиард долларлик йўқотиш билан эгаллаган (бойлиги 22,8 миллиард долларни ташкил этмоқда).

Шунингдек, 1 миллиард доллардан ортиқ маблағ йўқотганлар қаторидан қуйидагилар ҳам ўрин олган:

• Сулеймон Керимов, сенатор, унинг оиласи «Полюс» компаниясини нозорат қилади (минус 1,8 миллиард доллар, бойлиги 13,1 миллиар долларни ташкил этмоқда);
• Алексей Мордашов, «Северстал»нинг асосий эгаси (минус 1,7 миллиард доллар, бойлиги 24,5 миллиар долларни ташкил этмоқда);
• Денис Свердлов, Arrival асосчиси (минус 1,6 миллиард доллар, бойлиги 1,9 миллиар долларни ташкил этмоқда);
• Андрей Мелниченко, Сибир кўмир энергетика компанияси ва «Еврохим» эгаси (минус 1,5 миллиард доллар, бойлиги 23,9 миллиар долларни ташкил этмоқда);
• Олег Тинков, ТSS Group асосчиси (минус 1,43 миллиард доллар, бойлиги 5,4 миллиар долларни ташкил этмоқда);
• Виктор Рашников, «Магнитогорск металлургия комбинати» бошлиғи (минус 1,3 миллиард доллар, бойлиги 11,3 миллиар долларни ташкил этмоқда);
• Михаил Фридман, LetterOne ва «Алфа Групп» эгаларидан бири (минус 1,12 миллиард доллар, бойлиги 13,9 миллиард долларни ташкил этмоқда);
• Владимир Потанин, «Норилск Никель» асосчиси ва эгаси (минус 1,1 миллиард доллар, бойлиги 25,5 миллиард долларни ташкил этмоқда).

Нисбатан йўқотишлар борасида иккинчи ўринни «Яндекс» асосчиси Аркадий Волож эгаллаган бўлиб, унинг бойлиги 26 фоизга (минус 600 миллион доллар) камайган. Учинчи ўринда эса Олег Тинков — 21 фоиз бойлигидан айрилган.

Аввалроқ россиялик миллиардер Роман Абрамович Португалия фуқаролигини олгани, Алишер Усмоновга тегишли USM компанияси ВКъдаги акциялари улушини сотгани тўғрисида хабар берилганди.