Ижтимоий тармоқда Тошкент вилоятининг Ўрта Чирчиқ туманида бир нечта машина иштирокида содир бўлган йўл-транспорт ҳодисаси видеоси тарқалди. ИИВ ЙҲХББнинг маълум қилишича, авария оқибатида ҳайдовчилардан бири жароҳат олган.
Маълум қилинишича, 21 январь куни соат 20:00 ларда Ўрта Чирчиқ тумани ҳудудидан ўтувчи Тошкент—Нурафшон—Оҳангарон автомобиль йўлининг 22-километрида М.А. (1996 йилда туғилган) бошқарувидаги Nexia, Г.А. (1997 йилда туғилган) бошқарувидаги «ВАЗ-2107» ҳамда Н.А. бошқарувидаги (1994 йилда туғилган) Nexia-3 русумли автомобиллари иштирокида ЙТҲ содир бўлган.
Авария оқибатида «ВАЗ-2107» русумли автомобиль ҳайдовчиси Г.А. олган тан жароҳатлари билан шифохонага ётқизилган.
Мазкур ЙТҲ юзасидан Ўрта Чирчиқ тумани ИИБ ТБ томонидан дастлабки тергов ҳаракатлари олиб борилмоқда.
Аввалроқ Қорақалпоғистонда Mercedes-Benz ва Cobalt иштирокида ЙТҲ содир бўлгани, Қашқадарёда Nexia «КамАЗ»нинг тиркамасига урилиши оқибатида 2 киши ҳалок бўлгани, Наманганда Nexia билан тўқнашган Spark ағдарилиб кетгани тўғрисида хабар берилганди.
Изоҳ (0)