Ўзбекистон Фанлар академияси Ядро физикаси институти томонидан ичимлик сувини зарарсизлантириш учун портатив қурилма яратилди.
Ушбу қурилма ичимлик суви манбасининг ифлосланиш хавфи мавжуд бўлган шароитларда — далада, лагерда, турли хизмат сафарларида ичимлик сувини зарарсизлантириш учун мўлжалланган.
Қурилманинг ишлаши металл ионларининг сувга электролизи таъсирига асосланган бўлиб, улар кенг кўламли патоген микроорганизмларни (жумладан, дизентерия, вабо, тиф ва бошқалар патогенларини) йўқ қилади.
«Қурилманинг ўзига хос хусусияти шундаки, ичимлик суви стандартларига жавоб берадиган металларнинг паст концентрациясида кенгроқ бактерияларга қарши юқори биоцид фаолликни таъминлайдиган ўзига хос три-металл қотишмасидан фойдаланишдир. Тозаланган сув 12 ой давомида истеъмол қилиш учун хавфсиздир», — дейилади хабарда.
Аввалроқ ЕТТБ Наманган вилоятида ичимлик суви таъминотини яхшилашга 70 миллион доллар ажратиши, Ўзбекистонда аҳолининг сувдан қарздорлиги 555,8 миллиард сўмга етгани тўғрисида хабар берилганди.
Изоҳ (0)