«Барселона» жамоа ярим ҳимоячиси Ансу Фатининг жароҳати билан боғлиқ муаммоларни ҳал қилиш вариантларини ўрганишда давом этмоқда.
Аввалроқ клуб футболчининг сон мушаклари билан боғлиқ мунтазам муаммоларни бартараф этиш учун операция ўтказиш имкониятини кўриб чиқаётгани маълум бўлганди.
Esport3 хабарига кўра, жарроҳлик амалиёти ўтказилган тақдирда 19 ёшли футболчи 3-4 ойга сафдан чиқади.
Каталон клуби Фатига Финляндияда операция ўтказишни тавсия қилган, аммо якуний қарорни футболчи қабул қилади. Даволаш режаси яқин орада эълон қилиниши кутилмоқда.
Эслатиб ўтамиз, Фати Испания Кубоги 1/8 финалидан ўрин олган «Атлетик»ка қарши ўйинда жароҳат олганди. Қайд этиш керак, футболчи аввалги жароҳати туфайли 3 ойлик танаффусдан кейин 12 январь куни сафга қайтганди.
19 ёшли футболчи Испания чемпионатининг 2021/22 йилги мавсумида 5 та ўйин ўтказиб, 3 та голга муаллифлик қилди.
Изоҳ (0)