“Barselona” jamoa yarim himoyachisi Ansu Fatining jarohati bilan bog‘liq muammolarni hal qilish variantlarini o‘rganishda davom etmoqda.
Avvalroq klub futbolchining son mushaklari bilan bog‘liq muntazam muammolarni bartaraf etish uchun operatsiya o‘tkazish imkoniyatini ko‘rib chiqayotgani ma’lum bo‘lgandi.
Esport3 xabariga ko‘ra, jarrohlik amaliyoti o‘tkazilgan taqdirda 19 yoshli futbolchi 3-4 oyga safdan chiqadi.
Katalon klubi Fatiga Finlyandiyada operatsiya o‘tkazishni tavsiya qilgan, ammo yakuniy qarorni futbolchi qabul qiladi. Davolash rejasi yaqin orada e’lon qilinishi kutilmoqda.
Eslatib o‘tamiz, Fati Ispaniya Kubogi 1/8 finalidan o‘rin olgan “Atletik”ka qarshi o‘yinda jarohat olgandi. Qayd etish kerak, futbolchi avvalgi jarohati tufayli 3 oylik tanaffusdan keyin 12-yanvar kuni safga qaytgandi.
19 yoshli futbolchi Ispaniya chempionatining 2021/22-yilgi mavsumida 5 ta o‘yin o‘tkazib, 3 ta golga mualliflik qildi.
Izoh (0)