Республика бўйлаб давлат хизматлари соҳасида мобил иловаларни дастурлаш бўйича кенг кўламли mGovAward танлови ўтказилмоқда.

Танлов ташкилотчилари: IT Park, Ахборот технологиялари ва коммуникацияларини ривожлантириш вазирлиги, Бирлашган Араб Амирликлари ҳукумати, Инвестициялар ва ташқи савдо вазирлиги.

Танловда Ўзбекистоннинг барча ҳудудларидан олий ўқув юртлари талабалари ва мактаб ўқувчилари иштирок этиши мумкин.

mGovAward танловини ўтказишдан асосий мақсад, ёшларнинг давлат билан ҳамкорликда ишлашга қизиқишини ошириш ва давлат хизматларини ривожлантириш бўйича юқори сифатли ечимларни ишлаб чиқишдан иборат. Энг яхши ишлаб чиқилган ечимлар давлат муассасаларида жорий этилади.

Иштирокчилар қуйидаги соҳалардан бирида ечим таклиф қилишлари мумкин:

1. таълим;

2. соғлиқни сақлаш;

3. туризм;

4. транспорт ва логистика;

5. тадбиркорлик;

6. экология ва тоза энергия;

7. молия ва солиқлар;

8. қонунчилик.

Танлов доирасида иштирокчилар ўз жамоаларини йиғиши, мураббийлардан маслаҳат олиши, шунингдек, бошқа иштирокчилар билан танишиши ва тажриба алмашиши мумкин.

Аввал айтиб ўтганимиздек, мусобақанинг мукофот жамғармаси 100 000 долларни ташкил этади:

  • 1-ўрин — 50 000 доллар;
  • 2-ўрин — 30 000 доллар;
  • 3-ўрин — 20 000 доллар.

Иштирок этиш учун сизга керак:

  • камида уч кишидан иборат жамоани йиғиш;
  • http://mgovaward.uz веб-сайтида рўйхатдан ўтиш;
  • йўналишлардан бирида мобил иловани тақдим этиш;
  • илованинг функцияларини тавсифловчи видеони уч дақиқадан кўп бўлмаган давомийлик билан ёзиб олиш.

Аризалар 2022 йил 28 февралгача қабул қилинади. Бундан ташқари, мамлакатимизнинг барча ҳудудларида талабалар билан офлайн режимда учрашувлар ташкил этиш режалаштирилган. Шунингдек, мобил алоқани ривожлантиришнинг асосий мавзулари бўйича семинар ва амалий машғулотлар ўтказилади.

Янгиликларни кузатиб боринг!

Telegram: http://t.me/mgovaward

Instagram: http://www.instagram.com/uzmgovaward/

Реклама ҳуқуқи асосида.