Абдулла Азизов бошқа ишга ўтиши муносабати билан соғлиқни сақлаш вазирининг ўринбосари лавозимидан озод этилди. Бу ҳақда «Нигоҳ» хабар қилди.
Абдулла Азизов 1981 йилда туғилган. Абдулла Азизов 2003 йил Япониянинг Нагоя университетида иқтисодиёт йўналишида ўқиган. 2004 йилда Жаҳон иқтисодиёти ва дипломатия университетининг Халқаро иқтисодий муносабатлар факультетини тамомлаган. 2006 йили Даниянинг Орхус университетида молия ва халқаро бизнес йўналиши бўйича магистр даражасини олган. 2006 йилда Орхус техника коллежини IT-дастурчи мутахассислиги бўйича тамомлаб, ушбу йўналишда меҳнат фаолиятини бошлаган.
Абдулла Азизов 2006—2019 йилларда Даниянинг «Маэрск А/С», «ДОНГ Energy А/С», «Carлсберг А/С», «Имплемент cонсултинг group», «Vestaс А/С» ҳамда «Данфосс» компаниясида молиявий бизнес лойиҳаларини автоматлаштириш соҳасида юқори стандартларни жорий қилиш бошқармаси бошлиғи лавозимида ишлаб келган.
2019 йил сентябрь ойидан 2020 йил июль ойига қадар Давлат солиқ қўмитаси раиси ўринбосари лавозимида фаолият юритган. Шундан сўнг соғлиқни сақлаш вазири ўринбосари этиб тайинланган.
Абдулла Азизовнинг бўлажак лавозими ҳақида маълумот берилмаган.
Изоҳ (0)