Тошкент шаҳри Мирзо Улуғбек туманида 20 январь куни фуқаро машинага пневматик қурол билан ўқ узди. Бу ҳақда шаҳар Ички ишлар бош бошқармаси хабар қилди.
Қайд этилишича, ҳолат шу куни соат 11:35 атрофида Мирзо Улуғбек туманининг Феруза даҳаси Улуғбек кўчасининг қатнов қисмида содир бўлган. С.З. исмли Spark ҳайдовчиси (1990 йилда туғилган) таниши, «ВАЗ-21099» машинаси ҳайдовчиси А.Г.ни (1985 йилда туғилган) кўриб қолган. У билан олдин турмуш ўртоғини рашк қилиш оқибатида ўзаро келишмовчилиги бўлган С.З. машинадан тушиб, Г.А. билан гап талашган.
У «Жигули»нинг ғилдирагига тепиб, ёнидаги пневматик қуролдан автомобилга бир марта ўқ узган. Бунинг ортидан ҳеч ким жабрланмаган.
Ҳолат юзасидан Тошкент шаҳар Мирзо Улуғбек тумани ИИО ФМБ томонидан терговга қадар текширув ўтказилмоқда.
Мавзуга доир:
- Сурхондарёда Malibu ҳайдовчиси ҳаракатланиб кетаётган «КамАЗ»га қарата тўппончадан ўқ узди
- Қашқадарёда пистолет ва электрошокер билан фуқаронинг пул ва буюмларини тортиб олган шахслар ушланди
- Қаршида бир гуруҳ йигитлар иштирокида оммавий жанжал юз берди. Улардан бири 19 ёшли йигитни пневматик тўппончадан яралади
Изоҳ (0)