«Барселона» бош мураббийи Хави жамоа вингери Усмон Дембеленинг шартномаси ҳақида ўз фикрини билдириб ўтди.
Французнинг каталонияликлар билан амалдаги шартномаси 2022 йилнинг ёзида ўз ниҳоясига етади.
Биз қийин қарор қабул қилишимиз лозимлигини айтишим мумкин. Агар у шартномани узайтирмаса, клуб масалани ҳал қилиш керак деган қарорга келди.Аввалроқ, 24 ёшли футболчи клуб таклиф қилган шартномани имзоламаслиги ва ёзда эркин агент мақомида жамоани тарк этиш ниятида экани маълум қилинганди.Жуда узоқ кутдик, музокаралар беш-олти ой давом этди. Ё у шартномани узайтиради, ёки клуб қарор қабул қилади. Мен у билан ҳаққоний бўлишга уриндим, бу қийин ва ёқимсиз ҳолат, лекин клуб манфаатлари биринчи ўринда туради. Дембеле шартномани узайтирмаса, «Барселона» уни сотиб юборади. Уни захирага михлаш кўзда тутилмаган.
Усмон қолишни хоҳламоқда, лекин бунинг учун ҳеч қандай ҳаракат қилмаяпти. Бизда бошқа танлов варианти йўқ.
Агентининг сўзлари? Нега у шартномани узайтириш ҳақида гапиради-ю, лекин амалда буни бажармаяпти. Ҳеч кимга ҳурматсизлик қилмоқчи эмасман. Дембеле шартномани узайтиради ёки жамоа уни сотиб юборади.
Хави, «Барселона» бош мураббийи
Дембеле ўзини жаҳон даражасидаги юлдуз деб ҳисоблайди ва шунга яраша маош талаб қилмоқда. Футболчи янги беш йиллик шартнома учун «Барселона»дан 200 миллион евро (солиқларгача), шунингдек, келишувни имзолаганлик учун ўзи ва агентига 20 миллион мукофот пули талаб қилган.
Изоҳ (0)