«Атлетико» ҳужумчиси Луис Суарес мавсум охирида АПЛга қайтиши мумкин.
Журналист Жерар Ромеронинг хабар беришича, 34 ёшли уругвайлик футболчига «Астон Вилла»дан таклиф бор.
Суарес Бирмингем клуби бош мураббийи Стивен Жеррарднинг шахсан ўзидан таклиф олган. Қайд этиш керак, улар вақтида «Ливерпуль»да бир тўп сурган.
Ҳужумчининг «Атлетико» билан шартномаси 2022 йилнинг 30 июнида ўз якунига етади. Ҳозирча унинг «матрасчилар» билан шартномани узайтириши ҳақида ҳеч қандай гап йўқ ва катта эҳтимол билан ёзда жамоани эркин агент сифатида тарк этади.
Суарес Ла Лиганинг 2021/22 йилги мавсумида 19 та ўйинда 7 та гол ва 1 та голли узатмани амалга оширди.
Маълумот учун, футболчи «Ливерпуль» сафида 2011—2014 йилларда ҳаракат қилиб, 132 ўйинда 82 та гол ва 47 та голли узатмага муаллифлик қилган.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)