Ўзбекистон Энергетика вазирлиги 2016—2021 йиллар давомида республикада ишлаб чиқарилган электр энергиясининг ўсиб бориш кўрсаткичларини эълон қилди.
Фото: «Дарё» / Мадина Нурман
Унга кўра, 2016 йилда мамлакатда 59,0 миллиард киловатт/соат электр энергия ишлаб чиқарилган бўлса, 2021 йилда ушбу кўрсаткич 71,3 миллиард киловатт/соатни ташкил этган. Шунингдек:
- 2017 йилда 60,7 миллиард киловатт/соат;
- 2018 йилда 62,8 миллиард киловатт/соат;
- 2019 йилда 63,6 миллиард киловатт/соат;
- 2020 йилда 66,4 миллиард киловатт/соат
электр энергияси ишлаб чиқарилган. Ўсиш кўрсаткичи 121 фоизни ташкил қилган.
Аввалроқ Ўзбекистонда ислоҳотларнинг жадаллашуви, саноатнинг ривожланиши, аҳоли сони кўпайиши натижасида энергияга бўлган талаб кескин ошиши, 2030 йилга бориб қарийб 2 баробарга ортиши кутилаётгани, Бухорода 270 мегаваттлик ИЭС ишга туширилгани, Ўзбекистон 2022 йилда Афғонистонга 100 миллион долларлик электр энергияси етказиб бериши, Шавкат Мирзиёев гидроэнергетикани ривожлантириш тўғрисидаги қарорни имзолагани тўғрисида хабар берилганди.
