Енгил вазн тоифасида собиқ UFC чемпиони Ҳабиб Нурмагомедовда коронавирус аниқланди. Бу ҳақда Asian MMA хабар берди.
Нурмагомедов Сингапурда карантинга олинган. Ҳабиб у ерга MMA бўйича One Championship турнирида иштирок этадиган шогирди Сайгида Изагахмаевнинг жангида қатнашиш учун борган.
Эслатиб ўтамиз, Ҳабиб 2020 йилнинг октябрида Жастин Гэтжига қарши кечган жангдаги ғалабадан кейин фаолиятини якунлаганини маълум қилганди. UFC 2021 йилнинг 23 март санасида Нурмагомедовнинг кетганини расман тасдиқлаб, уни рейтингдан чиқариб юборди. Ҳозирда Ҳабиб бизнес билан банд ва EFC промоушенининг хўжайини ҳисобланади.
Изоҳ (0)