Халқ депутатлари Тошкент шаҳар Кенгаши қарори билан 2022 йил учун Тошкент шаҳар маҳаллий бюджети тасдиқланди. Бу ҳақда Норма хабар бермоқда.
Қайд этилишича, 2022 йил учун пойтахт ва унинг туманлари маҳаллий бюджетлари жами 6 триллион 44 миллиард сўм, шу жумладан, Тошкент шаҳар бюджети — 4,4 триллион сўм, туманлар бюджети — 1,6 триллион сўм миқдорида тасдиқланган.
Тошкент шаҳрининг иқтисодий кўрсаткичлари прогнози қуйидагича белгиланган:
- ялпи ҳудудий маҳсулот (ЯҲМ) — 120 миллиард сўм;
- ЯҲМ ўсиш суръати — 7,5 фоизи;
- саноат маҳсулотларининг ўсиш суръати — 6,3 фоизи;
- хизмат кўрсатиш соҳаси ўсиш суръати — 30,1 фоизи.
- юридик шахсларнинг мол-мулкига солинадиган солиқ — 728,8 миллиард сўм;
- айланмадан олинадиган солиқ — 586,8 миллиард сўм;
- юридик шахслардан олинадиган ер солиғи — 567,7 миллиард сўм;
- давлат божи — 513,9 миллиард сўм;
- бензин, дизель ёқилғиси ва газ реализациясидан солиқ — 374,4 миллиард сўм
- жисмоний шахслардан олинадиган даромад солиғи — 373,3 миллиард сўм.
Аввалроқ сенаторлар 2022 йил учун давлат бюджети тўғрисидаги қонунни маъқуллаганди. 2022 йилда консолидациялашган бюджет даромадлари 254,6 триллион сўм ёки ялпи ички маҳсулотнинг 30,3 фоизи даражасида прогноз қилинмоқда. Давлат бюджети даромадлари 199,5 триллион сўм ёки ялпи ички маҳсулотнинг 23,8 фоизи миқдорида белгиланган.
Изоҳ (0)