Ушбу кунжутли егулик пишлоқ, асал ва сабзавотли газаклар билан ажойиб уйғунликни ҳосил қилади.

Керакли маҳсулотлар:

• шакар – 1 чой қошиқ;
• хамиртуруш – 1/2 чой қошиқ;
• сув – 120 мл;
• ун – 200 грамм;
• ўсимлик мойи – 2 ош қошиқ;
• жигарранг шакар – 100 грамм;
• кунжут – 75 грамм.

1. Сувга хамиртуруш ва шакар солиб, аралаштирилади. Аралашма илиқ жойда 5-10 дақиқага қолдирилади.
2. Ун элакдан ўтказилиб, туз билан аралаштирилади. Устидан ёғ ва хамитурушли аралашма қўшилади.
3. Юмшоқ хамир қорилади ва 60-90 дақиқага тиндириш учун қолдирилади.
4. Жигарранг шакар 3 ош қошиқ сув билан аралаштирилади. Сўнгра паст оловда қуюқлашгунча қайнатиб олинади.
5. Сироп тайёр бўлгач совутишга қўйилади ва 3-4 ош қошиқ ув билан аралаштирилади.
6. Кунжут қуруқ товада 2-3 дақиқа давомида қовуриб олинади.
7. Хамир 4-6 бўлакка бўлинади. Ҳар бир бўлак 50-60 сантиметр узун шаклда ёйилади.
8. Ҳар бир ёйилган хамир иккига бўлинади ва айлана шаклига келтириш учун икки учи бирлаштирилади.
9. Ҳар бир симит сиропга ботириб олиниб, кунжут сепилади.
10. 200 даража печда усти қизаргунга қадар 15-17 дақиқа давомида пиширилади.