Тошкент шаҳар Миробод туманининг баъзи ҳудудларида газ таъминоти ўчирилади. Бу ҳақда «Ҳудудгаз Пойтахт» матбуот хизмати хабар қилди.
Маълум қилинишича, туманнинг Буюк Турон кўчасида жойлашган ўрта босим Д-57 мм ерусти газ қувурини ҳаракатдаги газ қувурига улаш ишлари «Мирободтумангаз» газ таъминоти бўлими томонидан режалаштирилган. Шу сабабли 8 январь куни соат 10:00 дан 17:00 га қадар ушбу манзилдаги 3 та улгуржи истеъмолчиларида табиий газ таъминоти вақтинча тўхтатилади.
Шунингдек, Миробод кўчасида жойлашган ўрта босим Д-57 мм ерусти газ қувурини ҳаракатдаги газ қувурига улаш ишлари «Мирободтумангаз» газ таъминоти бўлими томонидан режалаштирилган бўлиб, 8 январь куни соат 10:00 дан 17:00 га қадар Миробод кўчасидаги 120 та кўп қаватли хонадонларда ҳамда 3 та улгуржи истеъмолчиларида табиий газ таъминоти вақтинча тўхтатилади.
Таъмирлаш ишлари тугатилгандан сўнг, табиий газ таъминоти қайта тикланади.
«Ҳудудгаз Пойтахт» газ таъминоти филиали таъмирлаш ишлари туфайли газ таъминотидаги вақтинча узилишлар сабабли етказилаётган ноқулайликлар учун аҳоли ва газ истеъмолчиларидан узр сўрайди.
Изоҳ (0)