Toshkent shahar Mirobod tumanining ba’zi hududlarida gaz ta’minoti o‘chiriladi. Bu haqda “Hududgaz Poytaxt” matbuot xizmati xabar qildi.
Ma’lum qilinishicha, tumanning Buyuk Turon ko‘chasida joylashgan o‘rta bosim D-57 mm yerusti gaz quvurini harakatdagi gaz quvuriga ulash ishlari “Mirobodtumangaz” gaz ta’minoti bo‘limi tomonidan rejalashtirilgan. Shu sababli 8-yanvar kuni soat 10:00 dan 17:00 ga qadar ushbu manzildagi 3 ta ulgurji iste’molchilarida tabiiy gaz ta’minoti vaqtincha to‘xtatiladi.
Shuningdek, Mirobod ko‘chasida joylashgan o‘rta bosim D-57 mm yerusti gaz quvurini harakatdagi gaz quvuriga ulash ishlari “Mirobodtumangaz” gaz ta’minoti bo‘limi tomonidan rejalashtirilgan bo‘lib, 8-yanvar kuni soat 10:00 dan 17:00 ga qadar Mirobod ko‘chasidagi 120 ta ko‘p qavatli xonadonlarda hamda 3 ta ulgurji iste’molchilarida tabiiy gaz ta’minoti vaqtincha to‘xtatiladi.
Ta’mirlash ishlari tugatilgandan so‘ng, tabiiy gaz ta’minoti qayta tiklanadi.
“Hududgaz Poytaxt” gaz ta’minoti filiali ta’mirlash ishlari tufayli gaz ta’minotidagi vaqtincha uzilishlar sababli yetkazilayotgan noqulayliklar uchun aholi va gaz iste’molchilaridan uzr so‘raydi.
Izoh (0)