Apple компанияси навбатдаги йирик лойиҳа ҳақида маълумот берди. Қайд қилинишича, Одри Хепбёрннинг ҳаёти ҳақида фильм суратга олинади. Унга Лука Гуаданино режиссёрлик қилади. Бош қаҳрамонни «Аждарҳо татуировкали қиз» фильмидаги роли билан яхши таниш бўлган Руни Мара гавдалантиради.
Қўшимча қилинишича, сценарий муаллифи Майкл Митник бўлган фильмда Руни Мара суратга тушишдан ташқари продюсерлик ҳам қилади. Фильм ҳақидаги батафсил маълумотлар, унда Одрининг ҳаётидаги айнан қайси давр қамраб олиниши ҳали номаълум.
Айни вақтда «Ёш ота» фильми ижодкорлари ҳам Одри Хепбёрн ҳақида сериал олишни режалаштиряпти. Унда Хепбёрннинг актриса бўлгани ва унинг Голливуд ва мода оламига таъсирига тўхталиб ўтилади. Унинг ўғли Лука Дотти лойиҳада фаол иштирок этади.
Мавзуга доир:
- Малика Аннадан тортиб Дон Карлеоне образигача. Голливуд кино тарихини ўзгартирган буюк актёрлар
- Спорткар нархидаги либос: Юлдузларнинг «Оскар» тарихидаги энг қиммат ва ҳашаматли образлари (фото)
- Голливуд афсонаси Одри Хепбёрннинг гўзаллик сирлари
- Жон Кеннеди, Одри Хепбёрн ва ХХ асрнинг бошқа таниқли шахсларининг авлодлари (фото)
Изоҳ (0)