Машҳур фильмларнинг номи айтилиши биланоқ мухлислар ёдида қолган кадрларни хаёлан тасаввур қилади ва қулоқлар остида саундтреклар янграйди. Аммо картиналар суратга олинаётганда бошқа ном билан чиқиш эҳтимоли бўлганини кўпчилик билмайди.
«Хурлиқо» аслида «3000» деб номланиши керак эди.
Аниқроқ қилиб айтадиган бўлсак, «3000 доллар». Эдвард Вивиенга ҳамроҳ бўлгани учун шунча пул тўлаган. Айтиш жоизки, ушбу сарлавҳа томошабинларда балки камроқ қизиқиш уйғотган бўлар эди.
«Келажакка қайтиб» фильми «Плутонлик космонавт» деб аталиши мумкин эди
Universal Pictures раҳбари «келажак» сўзи томошабинларни узоқлаштиришини ҳис қилди. Шунинг учун у «Плутонлик космонавт» вариантини таклиф қилди. Спилберг ҳазил учун миннатдорчилик билдирди ва хижолат тортган раҳбар асл номни сақлаб қолишга рухсат берди.
«Қичқириқ» картинаси «Қўрқинчли фильм» номи билан чиқиши мумкин эди
Бу ном билан фильм реклама кампаниясининг иши бошлангунига қадар қолди. Аммо продюсер ўз вақтида у картинага мос келмаслигига амин бўлди, чунки унда сатира ва комедия элементлари мавжуд. Фильм режиссёри ва сценарий муаллифи дастлаб у таклиф қилган «Қичқириқ» номини ёқтирмаган. Бироқ, улар шунга қарамай, бу иш учун идеал деган хулосага келишди.
«Касабланка» «Ҳамма Рикага келади» номи билан қолиши мумкин бўлган
Ҳеч қачон кўрилмаган «Ҳамма Рикага келади» спектакли 1942 йилда рекорд даражадаги 20 000 долларга сотиб олинган. Ҳеч ким пул тикмаган картина номи ўзгартирилди ва «Касабланка» кўплаб мукофотларга эга бўлган машҳур асарга айланди.
«Америка пироги»нинг асл номини эслаб қолиш жуда қийин бўлган
Сценарий ёзиш босқичидаги фильм «10 миллион доллардан кам эвазига суратга тушиши ва кўпчилик томошабинлар ёмон кўриши мумкин бўлган номсиз ўсмирлик комедияси» деб номланган. Яхшиямки, муаллифлар ўз вақтида бу ҳақда ўйлаб кўришди ва фильм эсда қоларли «Америка пироги»га эга бўлди.
«Асосий инстинкт»нинг асл номи анча романтик бўлган
Яратилиш босқичида фильм «Севги − бу оғриқ» деб номланган. Бу мафтункор Шерон Стоун ўйнаган фильм қаҳрамонининг романларидан бирининг номи эди.
«Титаник» номи, юмшоқ қилиб айтганда, баҳсли эди
«Орзу кемаси» ёки «Муз сайёраси» каби ғоялар ўз ўрнини таниқли «Титаник» номига бўшатган.
«Хенкок»нинг асл номи сирли
Келажакдаги «Хенкок» сценарийсининг биринчи версияси 1996 йилда ёзилган ва «У бугун пайдо бўлади» деб номланган. Сценарий узоқ вақт давомида студиялар ва режиссёрлар атрофида айланиб чиқди ва фақат суратга олиш бошланишидан олдин ҳаммага маълум бўлган номни олди.
«Ўйинчоқлар ҳикояси»да кўплаб номлар мавжуд эди
Энг ҳайратланарлилари орасида «Менга Базз Лайтернинг қўлини келтиринг», «Рекснинг биринчи фильми» ва «Севимли» вариантлари бор эди. Ҳаммаси бўлиб 200 га яқин вариант бўлган.
Изоҳ (0)