Австрия канцлери Карл Нехаммернинг таътилдан қайтганидан кейин коронавирус юқтириб олгани ва уй шароитида карантинда эканлиги маълум қилинди. Бу ҳақда Австрия федерал канцлери матбуот хизматига таяниб, «ТАСС» хабар берган.
Хабарга кўра Австрия ҳукумати раҳбари 7 январь куни топширган тест коронавирусга мусбат натижа берган.
«Нехаммер уч марта COVID-19 га қарши эмланган», — дейилади баёнотда. Бироқ ҳукумат расмийлари канцлернинг рафиқаси ва фарзандлари коронавирус билан касалланган ёки аксинча касалланмагани борасида ахборот бермаган.
Канцлер хавотирга ўрин йўқлиги, ўзини жуда яхши ҳис этаётгани ва соғлиғида муаммолар кузатилмаганини айтиб ўтган.
Нехаммер 2021 йил декабрь ойида Австрия канцлери лавозимини эгаллаган ва Александр Шалленбергни алмаштирганди.
Изоҳ (0)