Фарзандлар ҳар доим ҳам ўз ота-оналарига ўхшамайди. Уларнинг ташқи кўриниши, дунёқарашлари, турмуш тарзи ва танлаган касблари бошқача бўлиши мумкин.
Жерар Депарде ва унинг қизи Жюли
Жюли машҳур отаси сингари фильмларда рол ўйнайди ва шу билан ота ва қиз ўртасидаги ўхшашликлар тугайди. Жюлининг айтишича, у тасодифан актрисаликка қадам қўйган ва у шунчаки актёрлар сулоласини ёқтирмайди. Бундан ташқари, Жюли отасига ўхшамаслик учун 5 маротаба жарроҳлик амалиётини ўтказган. У таниқли дадасидан мерос бўлиб қолган бурнини ёқтирмаслигини ҳам айтиб ўтган.
Чарли Шин ва қизлари Сем ҳамда Лола Роуз
Чарли Шин ва Денис Ричардснинг қизлари деярли вояга етган: Сем 18, Лола Роуз эса 17 ёшга тўлади. Чарли кўп вақтини болалар билан ўтказадиган намунали ота. Қизлар ташқи кўринишидан отасига ўхшамайди ва бошқа кўплаб юлдуз меросхўрлари каби экранда кўринмайди. Улар оддий ўсмирлардек ҳаёт кечиради ва мактабда ўқийди.
Ал Пачино ва унинг қизи Оливия
Оливия доим обуначилар билан чиройли расмларни улашади. Қизнинг эгизак акаси Антон билан доимий рақобат туфайли Оливия индивидуал машғулотларга боришга мажбур бўлди. 2022 йил январь ойининг охирида Оливия 21 ёшга тўлади, у ҳали ўқийди ва актриса бўлишни хоҳламайди.
Гай Ричи билан Мадоннаннинг фарзанди Рокко
Рокко шоу-бизнесда карьера қуриш учун барча шарт-шароитларга эга: унинг дадаси таниқли режиссёр, онаси эса афсонавий қўшиқчи. Фақат машҳур меросхўрнинг истеъдоди бутунлай бошқа нарсага қаратилган. Мадоннанинг ўғли расм чизиш билан жиддий шуғулланади: у Лондон коллежидаги тасвирий санъат курсига қатнайди, расмлар чизади ва сотади. Бир мунча вақт у отасининг фамилияси туфайли санъат оламида ўзига кўпроқ эътибор қаратмаслик учун тахаллусдан фойдаланган. Маълум қилинишича, унинг баъзи асарларининг нархи тахминан 24 минг фунт стерлингни ташкил этади.
Клинт Иствуд ва унинг ўғли Кайл
Клинт Иствуд кўп фарзандли ота бўлиб, болаларининг аниқ сонини айтишдан бош тортади. Улардан камида 8 та эканлиги маълум. Иствуднинг барча фарзандлари ўз ҳаётларини актёрлик билан боғлашни хоҳламаган. Масалан, ўғли Кайл жазз мусиқачиси. Унинг сўзларига кўра, отаси мусиқа билан шуғулланиш истаги борлигини билгач, хурсанд бўлган. Кейинчалик Кайл отасининг 9 та фильмига мусиқа ёзди.
Майкл Жордан ва унинг ўғли Маркус
Биринчидан, афсонавий спортчининг ўғли отасининг изидан боришга ҳаракат қилди ва баскетбол ўйнашни бошлади, аммо бу соҳада катта муваффақиятларга эриша олмади. 2016 йилда 25 яшар Маркус Trophy Роом пойабзал дўконини очди ва у ҳозир ҳам фаолият юритмоқда.
Тил Швайгер ва унинг қизи Луна
Луна бу йил 25 ёшга тўлади. У болалигидан от спорти билан шуғулланиб, иқтисод фанини ўрганган. Катта экранда томошабинлар Лунани болалигида отаси билан биргаликда рол ўйнаган «Келишган эркак» (2007) фильми орқали эслаши мумкин.
Харрисон Форд ва унинг қизи Жоржия
Актёрнинг қизи Голливудда карьера қуришга интилди, аммо уринишлар унчалик самара бермади. Фильмлар кассада муваффақиятсизликка учради ва интилувчан актриса машҳурликка эриша олмади. Орадан ўтган 5 йилдан кўпроқ вақтдан буён Жоржия кино оламига қайтмади.
Софи Лорен ва унинг ўғли Карло Понти
Софи Лореннинг ўғли ўз ҳаётини машҳур онаси каби кино билан боғламади. Карло мусиқачи, 2000 йилдан 2018 йилгача Россия миллий оркестрининг кичик дирижёри сифатида фаолият юритган ва ҳозирда Лос-Анжелесда яшайди.
Роналдо ва унинг ўғли Роналд
Роналдо барча даврларнинг энг буюк футболчиларидан бири ҳисобланади. Аммо унинг ўғли Роналд спортга бефарқ, аммо бошқа истеъдодларга эга. Йигит мусиқа билан шуғулланади ва Бразилияда машҳур дижейларда бири. Собиқ футболчи ўғлининг танловини маъқуллайди ва у уйда тинмай қўшиқ тинглаганини, шунинг учун ҳам ўғли мусиқага шунчалик берилиб кетган бўлиши мумкинлигини айтиб ўтган.
Боб Дилан ва унинг ўғли Жесси
Боб Дилан сўнгги 60 йил давомида поп мусиқа оламининг нуфузли шахси саналади. Бундан ташқари, қўшиқчи тарихда бир вақтнинг ўзида Оскар ва адабиёт бўйича Нобель мукофотини олган иккинчи шахс бўлди. Биринчиси Бернард Шоу эди ва Боб 2016 йилда шундай муваффақиятни такрорлади.
Майкл Жексон ва унинг ўғли Принс Майкл Жексон II
Поп мусиқа қироли ўз яқинларини матбуот ва қизиқувчан жамоатчилик эътиборидан эҳтиёткорлик билан ҳимоя қилди. Майклнинг болалари баъзида ниқоб кийган ҳолда омма олдида пайдо бўлди. Хонанданинг учта меросхўри қолган, уларнинг энг кичиги 19 ёшли шаҳзода Майкл Жексон II. Йигит ўз оиласида энг мустақилидир. Шу сабабли, у ҳатто «кўринмас бола» лақабини ҳам олди. Маълум бўлишича, йигит кинога қизиқади ва ҳатто акаси билан блог юритиш билан шуғулланган.
Изоҳ (0)