Киану Ривз «Матрица»нинг оригинал, биринчи қисмидан тушган даромадларининг катта миқдорини саратон касаллигини ўрганиш учун хайрия қилган. Бу маълумот орадан 20 йил ўтиб маълум бўлди.
Таъкидланишича, актёрга илмий-фантастик фильмда суратга тушгани учун бўнак (аванс) сифатида 10 миллион доллар тўланган картина муваффақиятга эришганидан кейин эса у яна 35 миллион доллар ишлаб топган.
Lad Bible’нинг маълумотларига қараганда актёр даромадининг 70 фоизини, яъни 31,5 миллион долларни лейкемияни тадқиқот қилиб ўрганишга сарфлаган. Ўша вақт синглиси Ким 8 йилдан буён ушбу даҳшатли касаллик билан курашиб келгани сабаб ҳам Ривз бундай қарорга келган. Кимга 1991 йилда қон саратони ташхиси қўйилган ва у 2001 йил касаллик аломатлари вақтинча заифлашгунича саратон билан курашган.
Киану Ким тузалганидан кейинги бир неча йил давомида ҳам пул ажратишда давом этган, шунингдек, у саратонга қарши курашиш ва болалар шифохоналарига ёрдам беришни мақсад қилган фондга яширинча асос ҳам солган.
2020 йилда Ривз ўзи билан 15 дақиқалик кўришишни аукционга қўйган ва тушган маблағни Camp Rainbow — Айдаҳо штатидаги саратон касаллигига чалинган болалар учун ёзги дастур Gold’га сарфлашини таъкидлаган. Аукционда ғолиб 19 минг доллардан кўп маблағ тўлаган.
Мавзуга доир:
- Исмини ўзгартирмоқчи бўлган Киану Ривз, илмий мақолалар ёзган Натали Портман. Ҳатто энг ашаддий мухлисларга ҳам номаълум бўлган машҳурлар билан боғлиқ фактлар
- Ҳаёт синовларидан табассум қилишни унутган актёр: Киану Ривзни «Дунёдаги энг ғамгин инсон»га айлантирган ҳикоя
- Ҳотамтой актёр: Киану Ривз каскадёрларига миннатдорчилик сифатида Rolex соатини совға қилди
Изоҳ (0)