Машҳурларнинг ҳаммаси ҳам шоу-бизнес оламига осонликча келиб қолмаган. Уларнинг орасида танилгунига қадар бошқа касбда ўзини синаб кўрганлари кам эмас. Harper’s Bazaar нашри бугунги кунда миллионлаб мухлисларга эга бўлган таниқли шахслар аввалроқ нима билан шуғуллангани ҳақида маълумот беради.
Ким Кардашьян
Кардашьянлар оиласининг шоуси 2007 йил эфирга узатилгунига қадар Кардашьян машҳурлар ва Лос-Анжелеснинг ўзига тўқ фуқароларининг гардероб тафтишчиси (ревизор) бўлган.
Крис Женнер
Крис Женнер эса 70 йилларнинг ўрталарида American Airlines компаниясида борт ходими бўлиб фаолият юритган.
Тэйлор Свифт
Тэйлор илк бор 2006 йилда альбом тақдим қилганидан кейин одамлар уни таний бошлаган. Машҳурликка эришгунига қадар у арча фермасида ходим бўлиб ишлаган.
Ники Минаж
Реп йўналишида ижод қиладиган Ники машҳурликка эришишидан аввал денгиз маҳсулотлари ресторанида официант бўлиб ишлаган.
Никол Кидман
Гаваида туғилиб, Сиднейда вояга етган Никол эса 1990 йил илк ролини ижро қилишидан олдин массаж бўйича мутахассис ассистенти бўлиб ишлаган.
Женнифер Энистон
Актриса илк бор телемаркетинг соҳасида икки ҳафта мобайнида ўзини синаб кўрган.
Жонни Депп
Жонни ҳам Энистон сингари телемаркетинг билан шуғулланган ва бу борада унинг ҳам омади чопмаган.
Хью Жекман
Актёрлик карьерасини бошлагунича Хью Жекман Буюк Британиядаги мактаблардан бирида жисмоний тарбия ўқитувчиси бўлиб ишлаган.
Женнифер Хадсон
Хадсон Disney’нинг круиз лайнерида ишлаган. Кемада ташкиллаштирилган спектаклларда рол ижро қилган Женнифер шундан кейингина актриса бўлган.
Изоҳ (0)